Waban arimotamwew Claudiwa e wi otamirotatc kekociriw. Nta wapatariwewok nete awaciwikiwamik ka wi otamirotatcik. Waban nakickowew Victora.
Claudie - Kwei Waban ! Waban - Kwei, Claudie.Claudie - Ki mamiskateriten.Waban - Matci potc.Claudie - Kekwan ka mamitoneritaman ?Waban - Kekocic ni wi toten. Claudie - Kaa ! Tapwe ia !
Waban -
Ki Kiskeriten ia ! Aci micta weckatc ka iteritaman kitci posian micta ka miremakak. Aci tca anotc ki ka weritan kitci icinakok.
Claudie -
Tante wa icaiin ?
Waban -
Nama moci ni kiskeriten, micta warowik ni wi ican. Tapwe tca nte.
Claudie -
Kircike ia ki ka matcan ?
Waban -
Nama, nihe sa ni ka ki iteritamapan, kitci weritaian kitci nta pamatisiwokopan tapickotc kirano ka ocki pimatisiwok.
Claudie -
Wow ! Micta kice mirwacin ka ici mamitoneritaman !
Waban -
Ekoni wetci micta mamitoneritaman.
Claudie -
Matci ki ka witcihitin e weritaiin.
Waban -
Ki ta ici mireriten ia ?
Claudie -
Otcita ni ta micta mireriten !
Tante tca ke otci kitcipariwok ?
(Waban iteritam : « Micta kackitaw Claudie e otamirotc acitc micta mackawerimo kekociriw e totak. Kata micta miro witcihiwew. »)
Waban -
Kecpin tca witcihikoiikw kirawe kata micta miroparinopan.
Claudie -
Awin tca kit iteriten ?
Waban -
Matci aniki awaciwikimik ka otamirotcik.
Claudie -
Tapwe kotc, taina. Arimatc ki ta nakickowano ka tiperitak.
E nta wapatariwetcik ka wi otamirotatcik awaciwikiwamik.
Waban Claudie - Kekocic ki pe nta wapataritinan ka wi otamirotaiak.Ka mitatc - Kah! tapwe ia ? Tante e wi pa icaiekw ?Waban - Nama moci mia ni kiskeritenan. Pitoc nte wiec kitci icaikw. Maroc ? Californie ? Mexique ? Paris ? Wiec nte… Ka m. - Tan tca apitc ka wi matcaiekw ?
Waban -
Minawatc nipike.
Ka m. -
Micta kice micaw ka ici otamirotaiekw. Tepirak a tca ki ka nicokasonawaw e weritaiekw ?
Waban -
Nit iteriten nin patoc ki ka mawotcihitonano kitci arimotamakeiikw.
Ka m. -
Kirawaw acitc kikwimesiwawok ki ta kackitanawaw kitci weritaiekw. Tapwe ni e ici mamitoneritcikatek wiec e wi icaniwok micta micaw otamirowin. Micta kinowec ki ka aitacikenawaw nipara meka coria ka ta apatan arimatc kaskina anihwe ki ka mamitoneritenawaw. Aka tca kaie kitci ataweritcikeikw ke ici nakickamekw nac kitci kictaiekw.
Claudie -
Ni teperimonan kitci kotcitaikw.
Waban -
Matci a tca awaciwikiwan ni ka ki witcihikonan ?
Ka m. -
Patama meka tca ki ta ki mawotcihitonawaw kitci witcihikoiekw. Kitci orisinahamekw tan tca wa ici otamiroekw. Ekote meka ke otci kiskeritamekw ke ici matcaiekw. Aka cakwerimokw wi witcihikosiekwe tepirak ki ka pe natawapaminawaw.
Claudie Waban -
Mikwetc.
Kir e iteritaman, kekwariw kirawe ke arimihikotcik ?
1 Mocak kitci otamirotatcik
2 Icikwiskw kitci otamirotcik mia kitci itotisketcik ka acterik ke ici otamirotcik.
3 Kitci misko coriawetcik
4 Mocak kitci saperitakik nac kitci kictatcik
E ickwa mawotcihitotcik.
Waban -
Micta micaw tapwe ka wi otamirotaiikw.
Claudie -
Tapwe. Arimatc ki ka micta otamironano.
(Waban iteritam : « Aci tca tapwe ka ta iti icinakon ka micta ko nataweritamapan kitci isparik. Aaaah ! Enko tca tapwe tca pimatisiwin ! »
Waban nakickowew Victor
E iti otakocinik
Waban - Kwei Victor !Victor - Kwei! Tapwe weckatcic aspin ka wapamitoiikw. Waban - Tapwe. Ekoni aspin otehimin pisimw.Victor - Kekwan ka ki ititoskein ka pe nipik ?
Waban -
Ni ki pitapwatcike iriniwin neta nimocomecik. E ickwa otamiroan e markananiwok nete nit icatan notcimik mamo nimocom acitc noko.
Victor -
Ki meka tca micta coriakanatake.
Waban -
Nama kirakec. Aric ma kirake ni ki otci coriakatisocin aka arimatc kitci nataweritamokik ninikihikok coriariw.
Victor -
Tapwe tca ko awik ka micta kackitatc kitci natowi aitotak kitci otci coriakatisotc.
Waban -
Kir tca tekaci nama ki otci nanokosin. Tante ka ki pa aitacikeiin ?
Victor -
Kaie nin notcimik ni ki pa tacikan. Nama aric nin noko kirika nimocom !c Ah ! Ah !Ah !
Waban -
Tan tca e totamopan ?
Victor -
Ni ka ki itwan mitowi ko ka nahactasotc.
Waban -
Ka nahactasotc notcimik ?
Victor -
Ehe, notcimik. Aniki meka ni ka ki atoskectowikik ka micta ko nanakatcihakaniwitcik.
Waban -
Ah ! Aci meka tca ni nisitoten. Aniki otci ka kitiketcik taina. Micta koctatikon anihwe ka totaman.
Victor -
Aka kekocic e totaman e koctakikok nama ki coriakan. Enko tca anotc wetci mirwatcitahitisoian mocak takon ni kekocic ka mirototakemakak. Awik e wi mirwatcitahitisotc ekoni e ici miroparik.
Waban -
Ki kiskeriten aric nama ni wirata ni micta osamiken anihe towi.
Victor -
« Awik ka micta osamikak anihweriw ». Tecikotc micta osam. Peikw e sakosowakaniwok nama ni wiec. Nama ni tecikotc micta osamikako. Taw ni nin mekwata : ma ki ka ocitamatin peikw.
Kekwariw wetci miratc Victor ke sakaswakeritci Waban aka arimatc coriariw ?
1E okwimesimatc.E mireritak e miratc kekociciriw.
2E okwimesimatc acitc e kimotci iteritak enko naha ke otapinatc ko. Kiskerimew ni e ocoriamiciritci.
3Tepirak ni kekociciriw e wi totak nama ni e okwimesimatc. Kitci ni mitcetiritci ke atamatc.
4Kiskeritam ni Victor e micta kokweteritamiritci Waban. Kiskerimew ni aka e saperitamiritci matci mackikiriw. Wetci tca miratc kitci iti saperitamiritci.
Waban -
Kekocic ki wi kokwetcimitin. Ni ki sani otamirotan kekocic ki ta micta ketcinatc saperiten kaie kir. Mekwata ni taci mawotcihitonan aci wiec ni niaranianan. Ni ta mireriten kaie kir pe witcihiak.
Victor -
Kekwa ni ka taci otamirotaiekw ?
Waban -
Kanaweritamaso patama aka pitama tipatcimo. Ni wi ni pamatisinan wiec nte kitci icaiikw kirano ka ocki pimatisiikw.
Victor -
Tante tca ke icaniwok ?
Waban -
Nama moci ni ki otci oreritenan. Enko meka tca anihwe kaskina ke aiarimotamok mawotcihitowikwe.
Victor -
Kata ni coriakaniwon neta ?
Waban -
Coria ! Coria ! Coria ! Mani kotak kekocic kata ki mamitoneritcikatew nanikotin, namiew anihwe tepirak ka totak pimatisiwinik.
Victor -
Arimatc aric anihwe.
Waban -
Tapwe, takon ia tca kir, kecpin nisitotamane. Tan tca kaie kir ia ki ka pe witcihiweian. Pitoc tca kaie kir ki ka ici wapaten. Ah! Ah ! Ah!
Victor -
Tapwe ! Tan apitc tca e mawotcihitoiekw ?
Waban -
Ockorkananiwoke.
Victor -
Ni ka mamitoneriten
Waban -
Kecpin tecikotc nta oreritamane. Tan tca ke totaman?
Arimatc ni ka kiskeriten.
