18. E oraparik | Libertox

Ka mitatc witcihew Harold kitci mamitoneritamiritci tan ke totak ickwa orowite kipohotokamikok. Mictahi mamitoneritam Harold kipohokamikok kaskina mikawiw ka ki pe aiciwepasitc weckatc nac anotc.

Weckatc nac nikanik


Ka mitatc-	Mamitcitc, ki witamowitai kekwan wetci ki kiciwasiin. Kekococ mitati ki kockomitai. E micta mitceki ka arimeritamihikoin. Tan ni kit iteriten ke ki totaman kitci nahiparik anihe ka taci arimihikoiekw ?
Harold -	(Icpatatonepariho aka e kiskeritak)
Ka mitatc -	Esko kipohokoin, ki ia ponitan e otapinaman matci mackiki?
Harold -	Ehe.
Ka mitatc -	Kirawe ia tca ki miro pimatisin?
Harold -	Ehe.
Ka mitatc -	Enko ni kirakec ka ici witcihiwemakak kipohotokamikok : kirake ma ki ka otamirohitison. Tan ni ke totaman ickwa orowine ? Takon ia ka ki ici mamitoneritaman tan ke ici pimatisiin ?
Harold -	Tan ke ici pimatisian? Heuhh! Ketci ma potc ni ka otamiron kitci ki mitcisoian. Ekoni potc anihe ke icinakok nipimatisiwin.
Ka mitatc -	Ehe tapwe nama aric kata tipiparin kecpin wi nakanamane anihe ka taci micta arimihikoiekw kekotc anihe kir tipirawe atamik ka taci arimihikoin. E ici wapamitan aric e ici kiskerimitan micta micaw kekocic ka miwotain e micta kaie mirowacik tan tca ke totaman, tan ke irapatcitain ?

Harold -	Kitci nakaparik, arimatc otananik ni ka ici kitciparin e kiwe otamiroan. Aci aric osam pwacta e kanawapamakik ninitcanicak nama ni ka ki meckotcihawok. Peikon kaie wir nitiskwem. Nama ni ka ki orapiten kekocic aci tan kotc e icinakok.
Ka mitatc -	Ki tapwan, nama ki koski ocitakaniwon kekocic otananik, aric matci ki ki ocitan kekocic tan kotc wa ici matcain. Tan wa ici pimotein kipimatisiwinik. Kekwariw ka wi nakatamowitcik kinitcanicak ? Nama nte coriak itekera.
Harold -	Aniheriw kirawe ke mirowacinikipan aka aci kitci wapamitcik. Tekaci aka kitci nanokosiwak opimatisiwiniwak.
Ka mitatc -	Tekaci aka kitci taiin… hum! Kecpin tca epwamoci aka taiin kiapatc tca peiko pipona pa witacikematcik. Ni tca irikik peiko pipona kekwariw ki ta mireriten kitci wapataritcik kitci miritcik ?
Harold -	Nama ni kiskeriten…nama ni kiskeriten./br (Mamiskateritam)
Ka mitatc -	Nin, ni wapaten kekocic, nama aric awik ki cikimakaniwiw. Patama kir tipirawe ici naheritamane. Kir patoc ki ka oreriten anihe.
Harold -	(Mamiskateritam)
Ka mitatc -	Matci ki ka ki wapatariwawok tan e icinakositc iriniw e ki micta mantokasotc opimatisiwinik kitci pasikotc e wi kackihotc.
Harold -	Ni tca irikik tato pipon ka ki ici wapamatcik iriniwa mocak e pakiciniritci. Misawatc pasikoiane namawiskatc kata ki kasiparin anihe ka ki pe icinakok.
Ka mitatc -	Anihe kaskina ka ki ici micta arimanik kaie tca ka ki ici kackitaian kitci kackihoin. Enkweriw ketcinatc kirawe ke ici kanaweritakik patok aniheriw ka ki ici patahaman. Enko ni mocak ka witcihiwemakak. Mocak nantonikatew kekocic ke ki witcihikonaniwok. Ekota ke otinakik kitci otci nakaparinik kaie wirawaw aka aci kitci ici arimiparitcik.
Harold -	Micta mackawaw ka itein. Ni nisitoten ni e wi witcihin aric ni kiskeriten kekwariw ka ki ici wapatakik.
Ka mitatc -	Kit iteriten ia tca kirawe kata mireritamok kitci wapamiskik mitowi weckatc ka ki icinakosiin kekotc kitci tekaci kitci meckotatisiin ?
Harold -	Nama kirawe pitoc kata iti icinakon nit iteriten.
Ka mitatc -	Tapwe ketcinatc ka itein. Aric kir ketcinatc kirawe ka iteritaman nama wiec kata ici meckotciparin. Marotc tan wirawaw e itatisitcik acitc tan e iteritakik aric kir takon neta kekocic e micta kice micak kir ni anihe. Kitci meckotatisiin kekotc nama.
Harold -	E wi meckotatisinaniwok kitci aric kackitatc awik ki totak kotak ni anihe kekocic.
Ka mitatc -	Aci tca ni e nokotain nipara e ki otamirotatisoin. Ki nokotan kitci kackitain. Ki taten kekocic ke witcihitisowakein. Ekoni ici tota anihe ka actek kitci totaman. Aka osam kekocic nataweritamaso aka kaie pehi awik kekociciriw kitci witamask. Ekota ke otci wapamiskik pitoc e itatisiin nac aniki kinitcanicak pekatc kata iti pe kiwekapowiwok. Mitowi aka wiec e ki otci iciwepanik.
Harold -	Kecpin tca aka pe kiwekapowiwate ?
Ka mitatc -	…Nama tecikotc ki ka kiskeritenano… Aric anihe ka ici micta mackawisiin nama kata ki kasihamok aniheriw. Aka wikokwe meckotatisihikw kotakahik kir tipirawe meckotatisi ka wi itatisiipan kitci ici takociniin. Nama ni arimatc kotakahik kir tepirak. Ponihikw kotakahik wirawaw ke iterimiskik. Minawatc kotak kekocic. Kirika tca takon ni kotak kekocic. Kirika tca takon ni kotak kekocic.
Harold -	Nit iteriten aci micta mitceno kekocic ke otamirotaian.
Ka mitatc -	Ah! Ah! Ah! Tapwe sa ni. Micta mitceno kekocic ke otamirotain. Kotak aric kekocic takon neta. Ickwa kictaine anihe ke ici otamirohitisoin mictahi tca e actamatisoin mackawerimowin neta. Ekote ketcinatc minawatc kotak kekocic ke iti meckotcitain kekocic waska kipimatisiwinik.
Harold -	Kekwan wetci pa totaman anihe ?
Ka mitatc -	Micta mitcet kekocic otci... Mitowi, kitci witcihatc nehirowisiw pitoc kitci asiteritakositc anotc ka iteritakositc.
Harold -	Hum !

Harold pourrait faire plusieurs choses pour aider à changer son milieu. Est-ce qu'il pourrait faire ceci :	Sûrement	Peut-être
Commencer par mener lui-même une meilleure vie.
Se rapprocher de ses enfants.
Aider les gens autour de lui.
Travailler avec d'autres personnes à obtenir de meilleures conditions de vie pour tout le monde.
Montrer à des jeunes ce qu'il connaît de la vie en forêt.
S'intéresser à ce que font les autorités et surveiller leurs décisions pour voir si c'est dans l'intérêt des gens.

Méditation

	Wircike taci apiw Harold ka ici kipohwakaniwitc, tekaci wircike taci apiw. Ititam e aimihakaniwitc. Kaskina kekociriw mikawi weckatc nac anotc.

Lucie -	Nama wiskatc ki otci icinakosinano kitci miro nakosiikw e otawewisiikw.
Harold -	« Ni ki witamowawok erowek e kackitaian nipara kekocic e ocitaian otamirowinik. Acitc aka wiec e iteritaman anihe kotc ke ici mirikoian ke ici otamiroian. Arimatc aric kitci okaromian kitci ki otamirowikoian. » « Ni ki mamitoneriten kitci koski nta kiskinohamasoian. Aric peikwa e otakocik peikw nikwimes ni ki iciwirikw ka ici minikwaniwonik. E ki tca nicowapekicimatc napaneca, peikw wir nin tca peikw. » « Notcimik tca ko nit icatai. Ni pe kiwatai wiec e ickwa nico,nicto, newo kicikak. » « Kape kickwa ko ni masinahikatai. Mia awik ka kickwatisitc. Anotc tca, kirawe aci witcihakaniwok awacak. Nama nta icinakonopan weckatc. »
Ka mitatc -	« Ekoni e itactek kitci ici pimatisiin. Kitci natotowatc kitehi e pakahatc. »
Participant -	« Tan kotc e icinakok, peikon mocak e kiciwerimoin.»
Harold -	« Ekoni e icinakosispan notawi, ekoni e itatisian kaie nin, ekwariw kaie nin ka ici mirikikw ninitcanicak… Arimisiwin tepirak ka taci aniskowi miritonaniwok. »
Ka mitatc -	« Tan ni ke totaman ickwa orowine ? Tan ia kekocic ka wi ici miwotaian kipimatisiwinik ? »
Harold -	« Kitci meckotatisian, anihe aric ka arimak kitci ni icinakok. »
Ka mitatc -	« Takon ke ki ici witcihitisoin ki taten kaskina anihe. Ekoni ici tota anihe ka actek kitci totaman, aka kitci osami totaman acitc aka kitci micta osami nataweritaman kekocic. Nikotin e kicikak, kata tawok ke wapamiskik e ki meckotatisiin nac kitci iti wapamatcik kinitcanicak kitci pe kiwe natawapamiskik.»
	Korokonew Harold otaripocik karo masinahikana otanisa Marilou e ki pe iciticahamakotc, tapwatam ka ki masinahamoritci.
Marilou -	« Ni pakoserimon nikotin tapickotc kaskina ki tacikeikw. Nin kitanis, Marilou. »

Marilou	Petite soeur	Lucie	Grand frère	Harold

Micta caweritam aniheriw masinahikaniw ka ki pe iciticahamakotc otanisa.