12. E nosanetakaniwok ke ici otamironaniwok

Remplir le sondage sur « Les ailes du rêve »

Ocki kekociciriw taci weritawok ka mitatcik kitci pa nta pamatisitcik acitc tipatcimoctakewok tan ke iti aitotakik kitci pamatisitcik acitc tipatcimowok. Aci kirawe nisitotatiso Waban tan e iciwepasitc.

E mawotcihitotcik : E kiwe mawotcitakaniwok coria


Valentine - Tan tca, awin tca anotc ka mitatc e arimweikw?
Claudie - Nin matci nama wiec nit iteriten.
Valentine - Nama kaie wiec nit iteriten
Rodrigue - Nin tca, anaha ni wapamaw Éric. Wiec ia kit iteriten, kir Eric?
Éric - Ah! Ah! Ah ! Nama kirawe Valentine acitc Claudie.
Rodrigue - Ekote meka tca. Tan tca ickwecak? (Nama kitowok Claudie acitc Valentine.)
Rodrigue - Ohé! Taw ia ota peikw e emitokociwimotc mia tca ickwecic e icinakositc?
Claudie - Ekote meka tca..
Valentine - Bof ! Ok.
Rodrigue - Mia sa e micta kice arimak kitci naheritaman! Ki kiskeritetaw ia wirata matci ni kaie wirawaw ockinikicicak kata ki mitawok.
Claudie - Ehe, ni kiskeritenan. Tepirak meka ni, ni micta mireriten kaie ninan e witcihiweiak.
Rodrigue - Kirawe sa e tiperitamekw, taina? Ekote, kir tca aci Éric
Éric - Mikwetc. Aniki patama nta mireriten petowikik Rodrigue kirika Valentine ka ki itikotcik ka ki nta kokwetcimatcik ka nahi kiskeritamiritci e wi nta pamiparinaniwonik.
  Rodrigue kirika Valentine aiatisokewok ka ki aitakotcik ka ki natawapamatcik.
Claudie - Ekotca e itemakak micta mitceno kiapatc ke aitotiskeikw kitci tipiparik irikik ke apatcitaikw coria.
Valentine - Patoc tca kaie wipatcikan ki ka miskenano coria, aci wesa micta pecinakon kitci matcaikw aka wipatc otapinoikwe karowok ke posiwakeikw kata micta misikitakosiwok ni.
Rodrigue - Arimatc tca ki ka micta natowi aitotenano kitci wepitaikw.
Éric - Nictam nte ka mawotcihitoikw ki ki wawitenano ke aitotiskeikw micta mitcenopan kaie. Aci tca potc ki ta ki kitciparinano kitci otamirotaikw.
Rodrigue - Kaskina ota masinatew ka ki ici maskinahamok. Matci kitci nta nahactasoikw mikiwamiskak, kitci kanonawasoikw…kitci tcipakweikw kitci tca ataweikw…osapwakana kitci pa kisisipataikw…otapana kitci kisisipataikw, kitci pa mikaripiikw, kitci pa tackahiteikw…kitci ataweikw otamironiwaw ka ki otcitatcik ka ocki pimatisitcik… kitci ocitaikw bingo, kitci ataweikw karocak coria kitci tawihikaniwok…
Éric - Awin tca ke aitotisketc kekwariw? Arimatc kata orapitcikatepan awin acitc kekwariw ke aitotisketc kekotc ma kitci nanicokasonaniwok ke ma kotc ka nanictinaniwok.
Valentine - Karocak ke atawaniwok coria kitci tawihikaniwok nin ni ka toten.
Claudie - Nin tca anihe, ni saperiten, kitci wawapatariweian ocitakana.
Rodrigue - Matci potc kata ki nicopitcikatepan bingo kekotc kotak kekocic ka mitcetinaniwok ko.
Claudie - Matci potc taina. Arimatc aric kata micta weritakaniwon.
Rodrigue - Ki ka metca tca witcihitin.
Éric - Anihe tca nin ni ka weritan e mari kicikak tca, otapan kitci kisisipataian, kitci nahactasoian acitc tca kitci tackahiteian.
Claudie - Ka kanonawasonaniwok acitc kitci tcipakwaniwok, rikwatocic kitci ocihakaniwitc, nama moci taw awik.Kir tca Valentine kekwan wetci aka nicopataman anihwe kirika karocak ka wi atawein.
Valentine - Ki ka ia tca witcihin kitci ocihakik?
Éric - Matci meka ki ta micta mitcetokasonano e ocihokok rikwatcocak. Matci meka tca ki ka kotcipowananowok kirika.
Rodrigue - Nit iteriten nama ki ka coriakanano anihwe ka wi totaman.
Valentine - Takon nin e ici wapataman kitci miroparik : Éric ki ka witcihinan e ocihakitc rikwatocic, ickwa pitapiskohakaniwate ekoni kaie orowitcicohotak. Ah! Ah! Ah!

Les piles se rechargent



Waban e natowapamatc ka witcihiweritci : nictwa aci

Int - Tan tca e ici pimatisiin?
Waban - Erowek. Nama kekocic ni ki otci otapinen kape arokana wirata ka mari kicikakak peikwatikw ni ki sakoswakan ka sakoswakaniwok.
Int - Nama arotc e wi ititan aric peikwa e sakosawakaniwok nama kata ki itwaniwon nama kekocic. Aric ma peikon nipara ki otamirohitison e ki atciwaparitain irikik ka otapinamopan matci mackiki. Tan ka ki totaman kitci kackitain?
Waban - Ni pwapwapikepitcikan ni ki orowititan. Tapwe nama aci tapwe ni wi mirwapikepitcikatai. Acitc tca ni ki nta pamotanan acitc peikw neta nikwimes e ickweciwitc aci weckatcicic nama ni wapamatai.
Int - Ni ki arimoten ia?
Waban - Ben… Anaha ickwecic kaie wir ni tacikepan neta nirctam ka weritaikw anihe ka wi nta pamipariakipan. Kaie wir ni arimihiko matci mackikiriw aric kaie wir ni wi ponitaw.
Int - Kiapatc ia micta mikawaw ka micta wi kotcitawakeiapan nirctam ka isparipan epwamoci weritaiekw anihe ka wi nta pamipariekw?
Waban - Ni kotcitan aka kitci micta mamitoneritaman matci mackiki acitc cowatc kitci aiterimoian. Kirawe aci ni nipan. Anotc mia sa memacic patote e aritisoian nama kekocic nit iterimitison.
Int - Ni taci meka ni pekatc miskatison. E osamikatek matci mackiki tapwe orina macikakemakan kiwiawikanak. E kiskinohamasoin tca tan e ispariin mekwata?
Waban - Wirata sa micta miro mamitoneriten. Tapwe arimatc ni ka micta otamirohitison kitci miskatisoian ka aitaipan weckatc.
Int - Anihe tca ka wi nta pamipariipan?
Waban - Namiew anihe nin aci.
Int - Nama aci ki saperiten?
Waban - Nama tapwe aci ni mamitoneriten.Aci misawatc osam. Nama kaie aci ni ka wi wapamikok aniki nikwimesak. Aci ni ki ickwa tipi aitotowawok.
Int - Oh ! la ! la ! Nama aci kata ki papinaniwon : Tan tca ni kir kititowin kekotc ki anaweritakosin, 0 kekotc 100%. Ekote ia ni kit iteriten e icinakok pimatisiwin? Kaskina matci awik pataham kekociciriw. Anihe tca kotc ka kictapatak kitci ni pasikonaniwok. Nama ni ki ka itwan tekaci nama wiec ni ka ki toten aci. Kirika tca awin aniheriw nirctam ka ki mamitoneritak aniheriw kitci nta pamiparinaniwok.
Waban - Ehe, aric misawatc aric nataweritamane kitci koski icaian minawatc nama kata miroparin aka moci e ki otci ponitaian matci mackiki.
Int - Iti meka ni natciparin. Epwamoci tan e ispariekopan kirika kinikihikok.
Waban - Ni miroparihitotan sa wirata. Nama wiskatc ni ki otci arimiparihitonan kirika ninikihikok. Mocak peikon ni ki tapwerimikok.
Int - Tan tca aspin e otapinam matci mackiki. Pitoc ia ki isparin anihe itekera?
Waban - Micta kackeritamok e wapamitcik ni e ici pimoteikw. Koctamok kitci akosiwak.Ni ki meka onitan memantcic kirika tca nama orina ni mirowinakosinatake nicim otci. Wirata ni wi pe arimotamakok aric nama orina miskamok tan ke ki pe icitcik. Ekoni aric peikon kaie ni e isparian nama orina ni kiskeriten ke aitakik. Tepirak tca kotc ni natotowawok e pa aimihitcik. Nama ni kiton ko.
Int - Kit iteriten ia nama kata nisitotamopanak?
Waban - Ehe ekote e iteritaman. Nama wiskatc tapwe ni ki otci arimotamowawok kekociciriw ka micta saperitamok kekotc ka micta otimeritamihikowak.
Int - Kit iteriten ia kekocic nakatin acitc kirawaw kirika kinikihikok?
Waban - Kekocic nakatin? Kirakec sa micta warowik ni ici wapamitonan, ehe. Takon kirawe ka micta eskohikoian. E ici wapamitc anohwe nikawi mia sa kiapatc e micta apiciciwak.Kirika tca ko mia sa ko wiec e aritisotc kitci kitcinakositc. Ni tca, nama arimatc nin kitci taci cawerimikoian acitc kitci wekinikoian. Nanikotin nta mireriten kitci tatc awik ke arimotamowak tapwe kekociciriw ka wi itak.
Int - Ki ta mireriten ia kitci wectaikw kitci nakickotatoikw mamo kinikihikok? Kata miskenawaw potc nipara kekocic kitci wawitamatoiekw acitc nama ni apitc arimanotake ke iteritaman ariman.
Waban - Nama wirata nama nit itaw aric anotc mekwata nama ni saperiten.
Int - Ekote meka tca. Matci tca minawatc ki ka arimotenano.

Claudie kirika Rodrigue tipatcimo kitotakanik nta arimwewok


Kitotake iriniw - Ohwe ke pe markananiwok ota tipatcimo kitotakanik Le tam-tam communautaire ©. Kata pe nta tipatcimo Rodrigue, nte ka ici otamirotc mekwata ka taci weritatcik ka wi nta pamiparitcik. «Pasoweritamowin» ka icinikatamak. Miro natotamok tca.
Claudie-Rodrigue - Mikwetc
Anim - Matci ia ki ka ki pe witen memantcic kekwan ni anihe ka taci weritaiekw ?
Claudie - Ni wi nta pamirarinan nete France ka icinikatek ni wi icanan. Ninan ka taci weritaikw ke ocki pimatisiak aniki otci ka ocki pimatisitcik. Aniki aritc ni witcihikonanak nete ka otamirotcik awaciwikiwamik.Ni tca apitc ka wi matcaikw ohwe ke nipik.
Anim - Aci erowek weckatcic ki taci weritanawaw taina?
Claudie - Ehe, tapwe. Aci mitceto pisimwa ka taci weritaikw.
Anim - Kit itwan « ke ki matcepariak». Nama tca moci tapwe.
Rodrigue - Nama moci tapwe osam nama moci tipiparin irikik coria ke apatak.Ekoni wetci iteiak matci ni ka icanan. Erowek aric ni aci apita irikik ka ki iteiakipan kitci mawotcitaikw coria. Wirata mocak ni rikiparin.
Anim - Tan ni totamekw e mawotci coriaiekw.
Claudie - Mitceno mekwata ka taci aitotamak.Mitowi ka tcipakweiak kitci ataweiak nitcipakwanan, pweteapiskwa kitci mockinamak kirika kotakahi kekocica. Kirika tca anotc mekwata ni taci ni atoskectakanan.
Anim - Kekwan mitowi?
Rodrigue - E mari kicikak ni otamiroctakanan kitci kisisipataiak kaskina kekocic kitci wasawapawatcikeiak.
Anim - Kekwan ni?
Rodrigue - Kitci kisisipataiak kaskina kekocic kitci wasawapawatcikeiak.
Anim - Aci nta, nama ni nisitoten kekwan ka wi itein. Wewerita sa kotci pe atisokaci!
Rodrigue - Kitci kisisipataiak kaskina kekocic kitci wasawapawatcikeiak ka wi iteian anihe ni, kitci nahactasoiak, osawapwakana kitci kisisipataiak matci kaie otapana acitc kitci tackahiteiak. Peikon kaie nte actasonikiwamik kitci nahactasoiak.e pe wicamikoiak tca nit icanan tatwaw tca e mari kicikak. Ekoni tca wetci iteian kaskina kitci wasitek kekocic kimikiwamiwak.
Anim - Ah! Ekwani ka icinikataman! Tan tca e totcikatek e wicamikoiekw?
Rodrigue - Nete awaciwikiwamik ki ici arimowanawaw.
Anim - Kekwan tca kotak ka weritaiekw?
Claudie - Mekwata ni taci weritanan kitci wapatareikw ocitakana aka wectatcik ka ocki pimatisitcik. Aniheriw tca nte e ki ici otamirotatcik e nte pamiparinaniwok. Ickwa tca ocitaiake anihe bingo minawatc ni ka iti ocitanan. Kirika tca ko anihe peikw kekocic ka atwawaniwok aric aka patama ka witcikitatek e itakitakok anihe tca ko kirawe nipara ka wi kicikasotc enko anohwe ka atamakaniwitc. Ancan ni icinikatew e emitikocimowinaniwok. Aniki tca ka wi pe nta actatcik ocitakaniwaw ni ka pe nta witamokonanak kekotc ma kata pe iciwitawok.
Anim - Nama ki noteparinawaw kekocic ka wi totamekw.
Claudie - Anihe tca kirika ni wi witen karocak ka wi ataweiak rikwatocak otci ka wi tawihikeiak. Apita rikwatocic ni ki icinikatenan.
Anim - Apita ia rikwato ki wi atawanawaw?
Claudie - Kata tawok ke pa atwawetcik karoca mikiwamiskak ke pa aicatcik. Ni ka ocihananak aniki rikwatcocak enko tca aniki ke tawihikaniwok.
Anim - Ki micta kackitanawaw kekocic e ataweikw! Micta kitaweritcikatew nete awaciwikiwamik!
Claudie - E totamak : ni mamitoneritenan, ni weritanan, minawatc tca ni atawanan.
Anim - Ah! Ah! Ah! Ki micta kackitanawaw. Ki micta wikosimitinawaw kitci miropariekw ka wi totamekw acitc kitci micta miro ataweikw kitci coriakeiekw.
Claudie-Rodrigue - Mikwetc.

Ka wi itespan Waban



Waban e nakickowatc ka witcihiweritci


Int - Kwei Waban. Tan e ici pimatisiin?
Waban - Erowek. Aci ni ki kitciparin kitci micta pamoteian. E kicepawok kaie ni micta kokwetcin. Pekatc ni iti misken kitci mackawisian. Kirowe tca ni miro mamitoneriten.
Int. Ekote? Micta mireritakon anihe towi e petcikatek, ekoci kiapatc. Mamitcic ka wapamitoikw ki arimomatanawok kinikihikok acitc kiwitcicanak. Tan tca anotc e aiciwepasiekw.
Waban - Ekoni peikon anotc e isparaiak. Ni ki pe kwetcimikok tan e isparik e nakickatan ko. Kiskeritakon aric aka orina e miroparik notc wi mitcerimowok. Kirawe ni aitacikowaw nicim ni witci metowemaw acitc kirawe nit aimihaw.
Int - Tan tca e totak?
Waban - Micta mireritam aniheriw e totowak. Kirika aric e ici kiskerimak notc ni wi aiekwamictak. Mia sa e micta kokweterimitc iteritamotake ketcinatc micta pitoc sa itatisiw aci nictes. Ni kockwapamohatake ni. Nit iterimikotake ni tepirak ni minawatc memacic ke itatisitc.
Int - Ni ki mamitoneriten kaskina ka ki pe iciin. Kikawi ka arimomatc e itatisitc. Tapwe ni wirata ekoni e itatisitc okawinan ka micta ko wi nanakataerimatc onitcanica misawatc e wapamatc aci e kicatisiritci.Aric kir aniheriw wetci totask takonitake kirawe kekociciriw ka micta mackaweritak wetci totask.
Waban - Nia! Nin ia tca ka totawaken wetci totask aniheriw? Kekwan tca ni ka wi itein?
Int - Anihe ka wi ititan kecpin ko e nataweritaman kekocic tecikotc tca e mirikoin aka tca arimatc kitci otamiroin anihe otci ka nataweritaman. Aci nta nokon kekwariw wetci totask osam kiapatc iteritam micta apiciciw ni kiapatc aniha nikosis. Aka tca wirawatc e kiskeritak aniheriw wetci totak nama ni mamitoneritam aniheriw ka totak.
Waban - Wow ! Micta kice mackowaw anihe ka ici wapataman. Nama wiskatc nte ni ki otci ici wapaten.
Int - Nama nit itwan nin ni tapwan. Kecpin aric e mamitoneritaman ka ki ki pe icipan nirctam ka nakickotatoikw ki pe icitai kotc ka iti takok kekocic arimatc kitci otamirotain aci nta ki iti ataweritcikan aka e saperitaman kir kitci otamiroin.
Waban - Tapwe atita nama ni saperitetai kitci aitotiskeian aric nama e itemakak aka e kackitaian kekocic kitci itotiskeian e arimak.
Int - Nama kit anwetatin. Aric ni wi witen nama ni kekocic nicike petciparin arimatc otcitakotc otamirotakaniwon misawatc anihe aka tekaci e sakitakaniwok. Kecpin e iti wapatcikatek aka mia e iti isparik nirctam ka ki ici oreritcikatekipan matci iti meckotcitakaniwon.
Waban - Meckotcitakaniwon? Ki wi itwan ia ni e nta pamiparinaniwok kekocic ni wii meckotcitakaniwon aka e mirwacik?
Int - Nama, tekaci nama nte ka wi iteian.Aric kecpin kekocic e micta micak e actamasonaniwok ka wi totcikatek tapwe kirawe kata micaw ke itotiskaniwok acitc kirawe kata mitceno ke aitotiskaniwok. Mitowi anihe akamik Kitcikamik ka wi icaiekw namiew ni tepirak ota pecotcik e nta pamiparinaniwok. Micta ni warowik acitc micta otamirowin taina?
Waban - Tapwe ni kiskeriten ni.
Int - Anihe meka tca ke ki kwetcimitisoikw, anihe ka taci totamokw tapwe ia ni ki saperiten ki ka ia ni itotiskan kaskina ka actek ktci itotiskein. Nac kitci iti kictain. Tan tca irikik e mackaweritamowipan kitci octain kitci nta pamiparin?
Waban - Mictahi.
Int - OK. Enko tca ni tapwe ka nokok.Minawatc tca neta e taci aitacikamopan ma nanikotin nama ki saperitetai e otamirotain?
Waban - Ehe.
Int - Kit iteritetai ia ko nama ni wiec ni e taci isparian?
Waban - Nama. Kirawe ki matcikoweritaman e micta saperitamapan.
Int - Tan tca e iterimoipan e mekwat ko e micta ataweritcekeipan?
Waban - Tekaci nama kekocic ni saperitetai.
Int - Tan tca e totamopan?
Waban - Ekota meka tca nta ko ka micta wi otapinamapan matci mackiki.
Int - Waban, aci ota ki takickenano kitci kekocic. Kit iteriten ia ni mirwacin ni anihe e isparinaniwok tekaci kitci raciparitc awik misawatc e micta saperitamospan kekociciriw e taci otamirotatc e micta micarik kekotc micta kinowec e tacikaterik.
Waban - Nama ni kiskeriten… nama potc mirwacinotake ni e isparinaniwok.
Int - Ma tca ki wapamitisotai awik mitowi wekockatc e taci cikimakaniwitc kekociciriw kitci ocitatc misawatc notc aka e saperitak? Nin, nanikotin e isparian e nta otamiroan e kicepawok, nama ni wi saperiten. Mirwacin ia ni anihe e taci isparian? Ni ka ia ni ponitan e otamiroan? Kecpin tca anihe mitowi ici mamitoneritaman tecikotc ia ni ekoni kaie nin ke totaman. Matci mackiki ni ka kotcitan kekotc ni ka ponitan e otamiroan?
Waban - Nia nama.
 

E nackickaman aka e saperitaman, tan e totaman kitci koski saperitaman ?
 
Int - Ki wapaten ia tca, Waban, kecpin e nakickaman ni e ispariin aka kekocic e saperitaman, arimatc ni ki micta mamitoneriten kitci micta mackaweritaman anihe ka taci otamirotain awocamec kitci miskamatisoin kitci otci saperitaman. Mitowi e kotowein : anihe tca ickote kitci miro piskarek ki potaten memantcic micta tca ko minawatc iti mirokarew. Ekoni e icinakok kekocic e otamirotakaniwok arimatc ni matcitakaniwon, witcitakaniwon tato kickwaw.
Waban - Enko meka tca anihe ickote nama aci ni wapatetai.
Int - Patok kitci otapinam matci mackiki ma ia tca kekocic pitoc ki ta ki otci totetai?
Waban - Matci potc ni ta ki arimotamwataikw aniki ka witci otamiromakik. Nama aric ni wi posipatakik aka e saperitamok nin.
Int - Ki micta aric mackaweriten mamonitowin, kecpin sa koski kitcipariin tan ni ki ta toten?
Waban - Otcitakotc nama nta otapinen matci mackiki nama neta nta ici pakicinin minawatc. Nama aric ni kiskeriten kecpin kitcikitaiapan kitci arimotamakeiapan. Osam ni kiskeriten aka kitci nisitotakowapan. Aci meka ni pekwa ni ki kotcitan kitci arimotamowikik ickwecak ka witci otamiromakik kitci micta arimaniw kitci witamowikik e ispariapan, tan mia e iterimoiapan. Nama ni misketai mia ke iteian.
Int - Kecpin aka nin pe witamowine, tan ni ki ta pe icin kitci nisitotatan?
Waban - Kaskina anihe nama ni ki otci mamitoneritetai ke acotciparik, ke ici weritakaniwok, ke wi ici takociniak, kitci mawotci corianiwok, kitci mawockinikatek pweteapiskwa, tante ke ici nta tacikaniwok, acitc kaskina anihe ke ocotciparik e nta pamiparinaniwok… Nama ni wapatetai e micta arimak kekocic e weritakaniwok.
Int - Ekoci kiapatc wawita, kaskina anihe ka ici mamitoneritaman.
Waban - Nama wirata ni koctetai kitci nanto kiskeritaman ke ici icaiakw, kitci mockinaman pweteapiskwa… ickoteatikwa, pakanak… actotina… otapanicica... arikapecakanicak kaskina anihe ko nte arotc kekocic… aric kaskina anihe nac ni ki micta tactakaten nama ni ki otci takickakon nin e ici wapataman, nama ni ki otci mirockakon.e mawotcihitowakipan enko tepirak ka arimotcikatekipan ke aitotiskeiak. Ni ta ki mireriten ni nin kotak kekocic kitci arimotamak mitowi otirisowinik, atisokan, e aitatisokasotcik kaie wirawaw aniki ke ki nta kiwotamakitcik.
Int - Kir e ici wapatamopan, ka wi totamopan nama ni tepirak kitci pa matcaiekw : kaskina misiwe ki wi wapatetai ta e ici pimatisinaniwok nete kotahik iriniwok ka ici aitaciketcik.
Waban - Ehe, ekote ni. Nama ni tepirak korok e masinatek kekocic nin ni ici wapatetai kitci nanto kiskeritaman. Kitci ni icaian, kitci wapamakik tan tca tapwe e ici pimatisitcik kaie wirawaw. Acitc e aicinakonik otacikewiniwaw… ni ka ki itwan… kitci wapatamok ta mia e ici pimatisitcik…
Int - Mitowi atcakw!!
Waban - Ehe, ekote ni, atcakw, atisokan. Ni micta kiciweritetai atamik. Ni ki tca iteritetai otapinamane matci mackiki kwecan ni ka witcihikon awocamec mitci mackaweritaman kekocic e mamitoneritaman. Aric anihe ka ki totakoian tepirak ni ki wepicimikon.
Int - Kit iteritetai ia otapinamane matci mackiki ni ka micta miroparin kirawe e pimatisian kekotc tepirak arica kit itwan tepirak kitci otapinam matci mackiki? Ki wi meka micta kotcitakatai taina?
Waban - Ehe tapwe, ka aric wapataman tan e iciwepahiwemakan, tecikotc ni ki kiskeriten tan kirawe e ici koctatikok kaie patok e ici mireritakok. Mitowi anaha peikw matci mackiki nama ni orina e wi kotcihakipan. Ni ki aric kotcihaw mitowi ni e wi cakotcitaiapan kekocic eko tca nac ka ki iti nespitciparian.
Int - Kitci cakotcitain kekocic. Hum! Ma tca aniki ka witci otamiromatcik kirawe ia kitci cakotcihatcik? « Nama ni naheriten kirawaw ka ici wapatamekw nama aric ni kactan kitci witamatakok kanawapamicikw tca ke totaman ki taci pakitinawaw ni.»

Tan e iteritaman aniheriw ka totak Waban? Takonipan Waban ka arimihikotc aniheriw e otapinak matci mackikiriw koctamopan kitci witak tan ke iteritakocsitc minawatc.
Ki atweritcikew Waban e wapatakipan aka e sapiparinikipan. Aka tca e kackitaspan kitci witak e iteritakipan ekotca nte ka ki ici pakicinitc kitci makockatcitatc matci mackikiriw aka kitci wapatak ka arimihkotc.
Ki micta kokweterimo : wi ocimotapan ka arimihikotc e otapinak matci mackikik kirika aric nataweritamopan kitci kiskeritcikaterik kekociciriw e arimeritamihikotc.

Waban - Ekote ni potc memantcic e icinakok. Nac aric wiskata, kirawe ni ki mackawaw matci mackiki enko anihe tepirak ka wi totamapan kitci otapinaman matci mackiki.
Int - Kit iterimitin anotc aci ki takicken ki wapaten anihe tapwe tca ka ki nakickaman kitaicerimowinik. Nit iteriten tca ki ta ni witamowawok kikwimesak anihe kaskina ka taci wawitamoin.
Waban - Kekwan tca?
Int - Kictapatan kitci witak awik tan e aiciwerimotc, Patama kitci kiskerimitisotc tan e isparitc, minawatc tca mia kitci ici tipatcimoctowatc okwimesa.
Waban - Mia sa kitci iteritakosian awik ka wi kitimakerimikositc. Nama nte ni wi toten.
Int - Nama meka ni nte. Anihe kaskina ka ki ici witamoin, kata mirwacinopan ni kaie wirawaw kitci petakik kikwimesak. Anihe meka kaskina ka ici mamitoneritaman ka ici witaman mackowaw ni. Kaie wirawaw ni kata witcihikowak kitci otci mackawisiwaketcik kaie wirawaw kekociciriw nakickamowate ke arimihikotcik. Kata nisitotamok kekocic e wi totcikatek arimatc naskonaniwon kitci miroparik. Ekoni wetci ititan kitci witamotcik.

Kecpin ki kiskeritak Waban e tarispana ka witci otamiromatc ekote kaie wirawaw e ici wapatakwapan ka wi nta pamiparitcik. Nama ia kit iteriten kata ki otci makockatcitapan matci mackikiriw?
Nama wiec kata ki otci isparinopan osam wi micta kotcitapan kitci otapinak matci mackikiriw. Ekweriw kirawe ka mackowarikipan.
Ehe, kata ki tacikepan e witcihiwetc e otamirotakaniwonik ka wi nta pamiparitcik. Nama tca kata ki otci pameritamopan matci mackikiriw.
Peikon kata ki otapinamopan matci mackikiriw enkweriw meka ka wi totakipan kata ki aric ponitapan epwamoci micta osamihikotc.
Kata ki witcihikopan aka kitci micta osamikak. Kata ki aric micta arimikepan kitci cakotcitatc aka kitci kiriperitak matci mackikiriw.


Rikwatocak



Peikwaw wetakocinik tcipakwewokamikok

 
Claudie, Valentine, Rodrigue, Éric acitc peikw ka mitatc atawekamikociriw peikwa e otakocinik.

Valentine - Kecpin tca wapatak nikawi kaskina ota ka ici aitakonik kekociciriw kata kiwockweritamopan.
Éric - Kitci kiwockaweritak kikawi nama wiec anihe nit iteritenan. Aric kir, enko anihe kirawe mamitonerita micta mitcetiwok wesa rikwatcocak ke ocihatcik.
Valentine - Ki kiskeriten ia e micta mireritaman e pimatisian anotc, kecpin aka ki otci pimatisian anotc nama ki ta otci kiskerimitin e micta witasikein.
Claudie - Aka tca pekatcikw, nama patama kata pa matciparihotonaniwon ota pitakamik kiskinohamatokamikok!
Valentine - Aie! Aka kaskina wiec minawatc aitatisoke, enko ni sa ni ke ici matcain nin.
Rodrigue - Éric, ki mireriten ia tca kitci kiskeritakosiin aka orina e mireritakosiin ni e itatisiin?
Cantinière - Ekote ni, Patok ki taci aitacikotatoiekw neta, wapataricikw ma kirawe kekwan ka ici petaiekw kitci kiskeritamokw aka kekocic kitci noteparik. Minawatc tca ki ka kasitcitcanawaw tekaci nama ni wi wapaten kekocic neta ke tcipakwewok. Minawatc tca nin apitc ni ka kicapiskisowaw kicapiskisikan.
Éric - Ekote meka tca, Ka tiperitak!
Rodrigue - Ka ici nataweriman! Kir ka tiperitaman!
Claudie - Spakatci, pweteapiskwa, opotaia, rikwato namiew ni aci ke nta pamiparikw ka taci weritaiikw aric kitci okaromiikw e tcipakeiikw! Mamitcic tca nete kitci icaiikw ka ici ocihakaniwitc sasapatak.
Valentine - Aie ! Matci tca ni ki ta ki ocihananowok kirika hot-dogs kitci ataweiikw. Mocak sa ni micta miroparin anihe e ocitakaniwok.
Éric - Karocic ia tca ki ka arano neta pitc tipotecicik kitci tawikehiekw.
Rodrigue - Matci tca kirika kota ki weritanano ke nospocikw ka miremakakik ke mitciwok acitc ka miparitatc ka miremakanik ki ka acamanano.
Éric - Sasapatakan kirika e arimomakaniwitc micta miroparin kaie anihe.
Rodrigue - Arimatc tca kirika ki ta miskenano awin tca ke kicikak rimotatiriw.
Valentine - Niciwok ota ka micta witatisoketcik. E micta witeritakok anotc ni caweritakosin.
Claudie - Kiskeritamakipan kitci micta witcihikoiekw hot-dogs wipatc ki ta ki miritinan.
Valentine - Ah! Ah! Ah!

Nanake wiskata

Cantinière - Aiapitc e taci takisitcik rikwatcocak, ki ka nahactasonano apitc. Wapake meka pe takociniwate ka tcipakwetcik wapatamowate aka e mirocterik nama kata mireritamok.
Rodrigue - Kirakec sa mirotawaniwoke rikwatcocak kiapatc wesa arimatc nipara ki mawatci corianano.

E masinahomowatc kiapatc Waban Claudiwa

Kwei Claudie,
Ni ki toten ka ki ici tipatcimoiekw kitotakanik. Micta mirotakon! Ni micta mireriten e petaman e micta miroparik mekwata ka taci otamirotaiekw ka wi nta pamipariekw. Tawok ota ka ocki pimatisitcik ka pe nta atawetcik rikwatcoca. Kaketin ni witcihananak ni otapinamowananak ka pe nta atawetcik. Micta wikatciciriwa. Minawatc mawotcihitoiekwe ni nta mireriten ni kitci pe icaian kitci nakickotatikok nama kinowec takon kekocic ka wi witamatikok. Ke ma kotc tepirak kir kirika Rodrigue.
Waban