8. Ke ici otamironaniwok

Remplir le sondage sur « Les ailes du rêve »

Aci nta tapwe e kitciparin e otamirotakaniwok e wi nta pamiparinaniwok. Aniki tca ka itapitcik weritawok tan ke totakik kitci ki mawotcicoriawetcik. Pe natawapamikowok ka mitaritci awaciwikiwamiriw. Orina pamatisokaniwon e arimomakaniwitcik aniki neta ka itapitcik e weritakaniwok ke nta pamatisinaniwok



Pe nta kiskeritcikew ka mitatc awaciwikiwamiriw

Coord- Tan tca aci aitaiekw?
Claudie- Wirata sa matceparin.
Coord- Ma kirawe awocamec? Nama kaie kirakec awocamec arimotcikatew kitci petakaniwok.
Waban- Aniki ka kiskeritakik, kiskeritamokw ni wirawaw.
Coord- Ehe, kecpin aric nataweritamekwe kitci witcihikoiekw awocamec. Arimatc kata kiskeritamokw aniki ke ki witcihitakw. Kekwan tca kit iteritenawaw ke kiskeritcikatek ka wi totamekw ka wi pamatisiekw?
Rodrigue- Matci ni ka witenan tante ka wi icaiak.
Marilou- Matci ni ka witenan tan apitc ka wi matcaak.
Claudie- Awin aniki ke pe icatcik e nta pamipariak.
Coord- Ehe. Kit iteritenawaw ia tca enkweriw ka wi nanto kiskeritakik kitci ki saperitakik. Kekwan wetci iteritamekw kicteritakon?
Claudie- Micta nipara kekocic ni ka kiskeritenan.
Coord- Kekwan tca?
Waban- Kitci kiskeritamak e icinakok e aitaskamikak, tan e ici pimatisinaniwok kirika kitci pa wawapatamak tan e aititoskaniwok peikon kaie tan e aicinakoki weckatc micta mikiwama. Kirika tca kitci pa okwimesimitonaniwok.
Coord- Awin tca aniheriw ka oweritatc?
Rodrigue- Ninan.
Coord- Enko meka tca ni ke witamekw kicteritakon meka ni anihe ki nokotanawaw meka e micta otamirotaiekw. Tan tca ke totamekw kitci coriakeikw?
Rodrigue- Ni ka tcipakwanan kitci ataweiak.
Marilou- Ni ka atoskectakanan mematcic kitci otci coriakatisoak.
Coord- Kah! Arimatc meka tca kata kiskeritcikatew. Tan tca ke totamekw kitci petakaniwok?
Marilou- Ni ka pa aiatisokanan e ici nakickakeiak.
Rodrigue- Matci kaie ni ka masinahenan kitci tipatcimoiak kitci atisokeiak.
Waban- Tipatcimo masinahikanicic.
Claudie- Matci kaie pamikicikopitcikanik ni ka pa iciticahenan.
Coord- Ekote micta mirwacin. Ki ia tca mamitoneritenawaw kitotakanik kitci arimotamekw?
Marilou- Ah! Tapwe sa ni. Matci kirika kitotakanik ni ka icanan.
Coord- Kitotakanik, ekota matci ke ki ici tipatcimoekw tan tca mi e aitaiekw mekwata ka taci otamirotaiekw.
Claudie- Wirata ekoni peikonok e taci aitotamak : ni nanto kiskeritenan ite wa icaiikw, ite ke ici mipariak acitc ni mawotci coriawanan.
Coord- Osam nama ki tapi tipatcimonawaw… Noteparin tca mictahi ke ki ici tipatcimoekw. Kitimakitakon ka itwaniwok. Mitowi anihe ka taci itein ite ke pa ici takociniekw ke makotc tante mia ke icaiekw enko ni anihe wewerita ke tipatcimoiekw.
Marilou- Ah ! Enko ia tca ke tipatcimoiakipan.
Coord- Ehe. Ki ka tipatcimoctakanawaw tan e aitotamekw. Tan mia e aitaiekw mitowi peikon kaie wirawaw e taci witcihikoiekw e otamirotaiekw anihe ka wi pamatisiekw. Enko ni anihe e tipatcimonaniwok werita kekocic e weritakaniwok.
Rodrigue- Ekote meka tca, Kata micta mitcenopan matci kekocic ke ki witcikatekipan.
Coord- Tapwe kata micta mitcenopan. Patama aric kitci kiskeritakosiekw e apitc ma tapwe micta tapwetamekw. Kaie peikon e micta kisteritamekw mekwata ka taci weritaiekw. Ekote ke otci kicterimikoiekw acitc ke otci witcihikoiekw.
E wapamitakok ki wapamitinawaw aka tapwe e sapipariekw e otamirotaiekw. Aric ma ekoni e isparik ko kekocic nanikotin ni ariman minawatc tca ko iti nahiparin.


Peikw onikihikinan natawapamew ka tiperitamiritci


Parent- Ni ki petakan mekwata e taci weritaiekw kitci nta pamatisinaniwok ka miremakak kitci posinaniwok.
Coord- Ehe tapwe, ka ocki pimatisitcik ni mekwata ka taci weritatcik. Wirancikewaw ni ka taci otamirotatcik. Wirata ni witcihananak.
Parent- Kekwariw mitoriw?
Coord- Ni wawitamowananak ke ki aitotakik, awiriw ke natawapamatcik kecpin kekociciriw e wi nata kiskeritak.
Parent- Ki meka ni takocin peikw nockinikim e tca pe itetc nama ni kaskina awik kata ki icaw tepirak ni atita.
Coord- Wirawaw ni otci nama ni kaie atita tepirak. Anaha kotc ka wi icatc.
Parent- Ite meka tca micta mitceno ka ki orisinahikateki ke nosanetakaniwok aka kaskina awik kitci ki katcitapitc.
Coord- Ki nictiniw ka ki orisinahakik ke nosanetatcik kitci icaniwok. Kitci witcihiwetcik e mawotcicorianiwok, kitci nanto kiskeritakik ite ke icaniwok acitc aka kitci otapinakik matci mackikiriw.
Parent- Ma kit iteriten osam mictahi actawok.
Coord- Kekwan tca ni ka iteiin osam?
Parent- Kitci actamowakaniwitcik ke nanakackakotcik aka kitci icatcik.
Coord- Nama nit iteriten ki wi nisitotatin.
Parent- Kecpin e wi ponitatc ka ocki pimatisitc e otapinak matci mackikiriw e tca nta pamiparitc wiec e icatc witcihiko ni.
Coord- Tapwe kotc.
Parent- Ekotca nama ni ka ta ki cikimakaniwiw awik aka kitci otapinak kekociciriw.
Coord- Kecpin maninamokwe ohwe, Tante tca ke otci iteritak kitci ponitatc.
Parent- Ite ke otci oreritak enkweriw niheriw kitci werihitisotc kitci nta pamatisitc.
Coord- Ni kokwasikeriten nin aka kitci witcihikotc aniheriw. Mitowi e itaniwok «kokwetciskata minawatc tca ki ka kokwetcitan nama arimatc ki ka werihitisotc». »
Parent- Ni ki petakan kirika tawok neta mekwata ka taci weritatcik e otapinakik matci mackikiriw.
Coord- Nama nin ni petakan. Aric nictam ka weritatcik taripana neta ni e totamiritci e wi witcihikowaspan nama tca ki otci naheritamok. Ki kiskeritetaw ia ota awaciwikiwamik enko anihe pekon ka nosanetakaniwok irakonikewin. Ki ni tariw neta peikw aka e ki otci otapinatcik ni e totamiritci. Enko meka ka motemikak ota nama tca awik wiec itew kaskina meka awik nosanetaw.
Parent-
Coord- E pa pimatisinaniwok, pitoc ni. Nama ni kotc ki ici aikatetcican minawatc tca e ickwa nicto kicikak kitci pe takociniin. Mamitonerita sa kecpin tca tatawe nete ka apatcitatcik niheriw kecpin tca notepariwote mekwata e pa pimatisinaniwok warowik tca omikiwamiwak. Tan tca ke isparik kecpin kaie tate neta e kimotci matcewitasotc mekwatc itanohokwe ? Kecpin miskaterike kekociciriw ocakewocik acitc tca aci tiperimitisote kata makonakaniwiw kipohotokamikok kata arakaniwiw. Pekon kaie misawatc aka tiperimitisote tekaci kata natwaparin e pa matisiikw. Awin tca ke nta witcihiwetc ni iciwepasiwokwe?
Parent- Ni nisitoten. Tepirak ia tca aniki aka ka otapinakik kekociciriw enko aniki ke micta miroparitcik kitci icatcik.
Coord- Ninan ota e totamak kaskina ni kitci miroparitcik matci kaie wirawaw kitci icatcik. Nama aric ninan actew kitci otamiroak wir otci kitci otamirohitisotc aka kitci osamikak niheriw matci mackikiriw. Kecpin peikw neta ka ocki pimatisitc kaketin e wi kackihotc e micta saperitak kitci ponitatc natcipatamaso ni kitci witcihakaniwitc. Natawapamew ni awiriw kitci witcihikotc.
Parent- Tan tca ke totamekw aniki otci ka ocki pimatisitcik mekwata ka makockatcitatcik.
Coord- Kecpin meka tca tapwe tatawe niheriw ka makockatcitatcik arimatc kata akatesiwok neta mekwata ka taci weritaiikw.
Parent- Ni ka aric nanakatcitanan wewerita. Kirake sa ni ka nta aiarimotamowawok aniki ka mitatcik awaciwikiwamiriw.
Coord- Mirwatikwatc wewerita ke nanakatcihakaniwitcik. Anihe tca kirawe kaketin ke totamekw ekoci kitci wikosimaiekw kitci kackitatcik oheriw e taci weritatcik ekota ke taci keskinawapamakaniwitcik nokotawate e kackitatcik kekociciriw e matcatatcik.

Tan e iteritamekw aniheriw ka totakik onikihikonan ? Nama kackitawok onikihikonanak kitci aimihatcik onitcaniciwaw kitci nisitotamiritci kitci meckotatisiritci kitci ki nta pamipariritci.
Acteriw kitci kispiwatatc onitcanica anaha onikihikonan.
Kaie wir anaha arimipariw onikihikonan. Nama kackitaw kaie wir kitci nosanetatc irakonikewiniw.
Tapwew anaha onikihikonan e itetc kitci nosanetakaniwonik irakonikewina kaskina awik otci.


E mawotcihitotcik kitci orapatakik ke aitotakik.



1ère rumeur : Claudie

Claudie- Otakocik ka kicepawok, ni ki peten e airimomikoian.
Waban- Tan tca e itewaspan?
Claudie- « «Kanawapami sa, ka micta kitcinakositc ke nta pamiparitc.» Enko na kotak «Micta tca potc iterimitisotakenak ni micta kackitanan.»
Rodrigue- Epwamoci tca tipatcimonaniwok tapwe tca kitci nta pamiparinaniwok. Micta nantokiskeritcikatew ni mictahi micta ni kokwetcikemowok kaskina kekociciriw. Esko ki actaiak ke nosanetakaniwok irakonikewin, aci nta tawok aka ka mireritakik orina.
Waban- Tapwe atita nama mirockakowok e kiskeritakik arimatc kitci natowi coriakatisonaniwok nama awik tepirak kata apiw kitci mirakaniwitc coriariw.
Claudie- Kekotc ma arimatc kitci micta nantoniketcik kitci nantokiskeritakik ite ke icatcik.
Rodrigue- Nin e iteritaman, e otcinehakaniwitcik aka kitci otapinakik matci mackikiriw enkweriw ni kirawe ka otamickakotcik.
Marilou- Ni kiskeritetai ni minawatc kitci pe moskiparik.
Claudie- Nama aric ki ka pa pakiterimonano anihe tepirak otci. Kecpin aka ki otci takok anihe irakonikewin ki ta ki ni cikimikowinano kitci actek neta. Arimatc tca otcitakotc anotc ki ka otamirotanano kaskina anihi otcitakotc kitci kiskeritakok. Karike sa ki ka ocitanano kitci masinatek kitci tipatcimomakak.
Rodrigue- Tipatcimomasinahikanicic. Anotc mekwata nama takon ke ki mireiikw kitci tipatcimoiikw.
Waban- Nama tepirak ki ka ki masinahenano ni wi matcanan. Patam kirika ki ka acotcictanano kekocic awocamec kitci tipatcimoiikw.
Rodrigue- Aci otcitakotc ki ka actanano ka wi mitcisoiikw tapickotc. Ekota ke otci tipatcimoikopan.
Marilou- Aie ! Ni kiskeriten ke ki masinahamokw neta tipatcimowinik. Ki ka witenano e mawotcitaiikw opotaia acitc pweteiapiskwa.
Rodrigue- Ekote ia tca ni ke totamokw ki ka nicopitenano e tipatcimoiikw. Tan tca ke totamokw kitci weritaiikw. Ke mitcisonaniwok acitc ke mockinamokw opotia acitc pweteapiskwa.
Claudie- Tan tca, awin tca ke itotisketc ?


E ici weritakaniwok kitci mamockinikatek opotaia acitc pweteapiskwa

Claudie- Tapwe ia ni kata kictapatan kitci mockinikateki anihi opotai acitc pweteapiskwa? Tan tca irikik ke isparik ki ka ia ni coriakanano ?
Rodrigue- Waban- Kata tca kirika kiskeritcikatew ka wi totamokw acitc ka wi matcaiikw.
Marilou- Nama ni kaie micta ariman anihe ke ititoskeiikw. Tepirak ki ka aictano wepinasockimotaia wiec minawatc tca ki ka nta mockinenano.
Rodrigue- Arimatc aric ki ka actanano wiec kitci tipatcimoiikw tante e ici aictaiikw acitc kekwan wetci totamokw.
Claudie- Matci ni kaie kitotakanik ki ki tipatcimonano.
Waban- Matci kaie mikiwamiskak ki ka pa aicanano kitci pa tipatcimoiikw. Kitci witamokw kekwan wetci totamokw acitc ite ke ici acteki wepinasockimotaia.
Marilou- Matci ni kaie ki kta nta pamotanano kitci pa mockinamokw ka pa ripatciteki wiec. Ki ka itanano kitci witcihikoiikw.
Claudie- Awin tca ke mitatc ?
… (nama kitonaniwon )
Rodrigue- Ouais ! Micta saperitcikatew !
Claudie- Kekwan wetci aka orina wi saperitamokw anihe kitci totamokw? Kekwan ka nakackakoikw ?
Rodrigue- Nama potc ki wi iteritakosinano ka natotamatcik●.
Marilou- Ata tca ni e witcitaiikw kitci mirowinakok otenaw.
Waban- Osam mitcetwaw ni kitci totamokw. Namiew tca ni micta otamirowin tepirak kotc kitci naskawatamokw kitci cakotcitaiikw.
Marilou- Mitcetiwokwe kirawe kata wetan. Tapickotc kaskina e taciikw ki ka totenano.
Claudie- Ke ma kotc aickotc kitci aititoskeiikw. Aniki kirika ke witcihitok. Kaie wirawaw ka pe icatcik.
Marilou- Ke kotc ma kitci naniciwok. Kirika aniki ka pe icatcik kaie wirawaw e nta pamipariikw.
Rodrigue- Kecpin ni totamokwe nama arimatc kata nicinaniwon. Takon meka kotak kekocic ke totcikatek.
Marilou- E nicinaniwok kirawe kiciparin.
Waban- Tapwe kotc : peikw anaha wapatam pweteapiskoriw, kotak tca anaha nta mockinam.
Rodrigue- E nictinaniwok tca, ki mamitoneritenawaw ia? Peikw anaha kata witam tante ke itapinaniwonik, peikw anaha kata itapiw nte e ici acterik minawatc naha kotak kata nta mockinam.
Claudie- Haa! - Haa! - Haa! Micta witeritakon.
Marilou- Nin, Ni ta kitciparin aric tate ke witcihitc.
Waban- OoooK. Nin ki ka witcihitin.
Claudie- …tekaci pitoc ititakosiw e witakaci e kiskeritak ke totak.
Waban- Nama kirake esko apicician ni wi micta mawotcitan pweteapiskwa.
Rodrigue- Mekwata e micta taci mamiskateritak Rodrigue aniheriw pweteapiskoriw. Matci ekon ke ici kitcipariwok kirano.
Claudie- Arimatc ki ka nanto kiskeritenano tante ke iciwitatcik awenak opweteapiskowimiwaw.
Waban- Ota, awaciwikiwamik.
Waban- Arimatc ki ka wicamananowok aniki ke pe nta pamiparitcik kitci pe nta witcihiwetcik.
Marilou- Tante ke totamokw ?
Rodrigue- Peikw nikwimes ka witcitomemak ni ka wicamaw kitci pe nta witcihitc.
Marilou- Taw kaie nin peikw ka kiskerimak.
Waban- Matci ki ta ki iciticahenano masinahikan e tipatcimoiikw neta awaciwikiwamik opamikicikosinahikaniwaw. Ekota kaskina ke witamokw tan apitc ke kitcipariikw e mockinamokw.