Waban reprend contact avec Marilou. Le comité organise une dernière rencontre avant le voyage. Le jour du départ arrive. Les jeunes s'échangent des réflexions sur les efforts accomplis pour mener à bien leur projet.
Waban takapikenamowew Marilouwa
 |
 Waban - Kwei Marilou. Waban nin. Marilou - Ah! Kwei ! Aci micta weckatc! Waban - Tapwe. Ki wi arimotamatin kekocic Ici naheritamane, matci ki ta nta pamotanaho nete ka ici ko metowaniwok. |
 |
| Waban - | Kwei Marilou. Waban nin. |
| Marilou - | Ah! Kwei ! Aci micta weckatc! |
| Waban - | Tapwe. Ki wi arimotamatin kekocic Ici naheritamane, matci ki ta nta pamotanaho nete ka ici ko metowaniwok. |
| Waban - | Tan tca kir e ici pimatisiin? |
| Marilou - | Nin ia, erowek ni. Nimikiwaminak aric nama orina miroparin. «ki petakanatake notawi e kipohakaniwitc. |
| Waban - | Ehe, ni ki petakan ni. Tan mia ka ki iciwepak. |
| Marilou - | Ki ni orowitacihwakaniwiw ka ici otamirospan e ki kiskerimakaniwitc matci mackikiriw e otapinak. Ka tca pe kiwetc ki petcirawesiw. Ki micta kicowasiw. Ki tca otamohew nikawia kekatc kaie nin ni ki otamohikw. Ki micta papikotaso pitakamik nimikiwaminak. Ni ki tca ocimonan. Ni ki takapikenamowanan takonike iriniw. Ka tca pe takocinitcik, enkweriw minawatc ka ki wi tacikowatc. Ekota tca ka witamowakaniwitc aniheriw ka ki totowatc nikawia acitc aniheriw e ki naskowatatc takonike iriniwa. Enko tca aniheriw ka ki acotamowakaniwitc kata tca arimitakosiw. Ketcinatc wiec peiko pipona kata kipohakaniwiw. |
| Waban - | Tan tca e ici wapataman kir anihe kaskina? |
| Marilou - | Anotc tecikotc, kirawe potc nte mirwacinotake. Kirake ma pekateritakon nama wiec iciwepan. Kecpin aric minawatc pe kiwete teka minawatc ke isparik. Kirakec sa aka kirawe itatisite. Ki mikawin ia apitc ka tcipakweikopan spakatci, ka onitaiapan coria wir ni ketcinatc ka ki kimotamispan aniheriw coriariw. Kekotc ma nictes. |
| Waban - | Ki ta ki meka witamowinan namiew kir ka ki totamopan. |
| Marilou - | Ah! Ehe tan? Tan tca ki ta itwan kir : peikw ni nta awik nikiwaminak ka ki kimotitc. Nama ni kaie ki ta ki otci tapwetowinawaw. Kecpin aniki towihikw e witcicanitonaniwok ariman ni. Kir tca kekwan aci anotc ka ici meckotciparik kipimatisiwinik? |
| Waban - | Ki ka kockoparin ni ki ni minawatc kiwe nta otamiron kaie nin ka wi nta pamiparinaniwok. |
| Marilou - | Ah! Tapwe ia? |
| Waban - | Nama neta kitci witci otamiromiweian aric ma kaie ni kitci nta pamiparian. Kirika tca ke totaman ni ka wapatariweian tan e itatisokatek tante kaskina ke pa aicaniwok. |
| Marilou - | Ki micta mireritenatake. |
| Waban - | Ehe, tapwe ni micta saperiten. Kaie kir sa ni matci ki ta ki pe koski ican. Ekoni wetci wi wapamitapan enko anihe ka wi arimotamatapan. |
| Marilou - | Tapwe micta mamitoneritcikatew anihe ka wi micta nta pamiparinaniwok. Nama aric ketcinatc nin ni ka ican aci nete. |
| Waban - | Niah! Kekwan tca? |
| Marilou - | Ki wapamin ia ni kitci pe kiwe nta otamiroan! Tan tca ke pe iterimitcik aniki kotakahik : « Micta kitimakiciciw Marilou, nama wiec ki ka itanano ki ni misawatc ponitaw aci e sakoswaketc kirika tca otawia kipohwakaniwiriw, kecpin aka matcewirokwe kata micta kackeritam.» |
| Waban - | Ekote ia ni e ici wapamitisoin. Aka tca potc nte wirawaw e ici wapamiskik kotakahik. Ka ki ici orakonikaniwokipan nirctam anaha ka otapinak matci mackikiriw nama kata ki icaw. Nama ki otci meckotciparin anihe kecpin nin otci miroparike kaie kir kata miroparin. Nama awik wiec ni ki otci itikw e ki kiwe icaian neta. Misawatc kaskina wiec e aiciwepasitcik kinikihikok wirawaw ni aniheriw. Kir meka tipan kir. Wesa wir ni aci awik e kicowickatetc ekwani ke ici itakaniwitc kimikiwamik tacike! |
| Marilou - | E kicowickatetc!Ah!Ah!Ah! Mia sa kir kirawe e taci nataweritaman kitci icaian. |
| Waban - | Kirika meka tca potc kitci pe aikatenamoin aka mia e ki otci totatan. Nama kaie ki otci witcihikon anihe ka ki totatan. Anotc tca kaketin ni ka toten kitci witcihitan kaie kir minawatc kitci pe kiwe icain neta ka wi nta pamipariwokopan. |
| Marilou - | Nama ni wiec kit iterimitin. Wiskata ni minawatc ni ki otci nisitoten kaie kir neta mitowi e ki nespitcihoin. Nama aric ni ki otci kackitan kitci wapataman acitc kitci witaman. |
| Waban - | Kirika tca ni ki arimotamowaw Claudie. Kaie wir tca ekoni e iteritak ki ta ki natawapamaw ka tiperitak awaciwikiwamiriw kitci aiarimotamowatc kaskina aniheriw. Aka minawatc arotcikotc kitci pe nta aitwaniwok. Tan tca kir e iteritaman? |
| Marilou - | Micta micaw ka ki pe nta arimotamoin. Ni ka micta mamitoneriten mictahi. Ki micta aric miro iriniwin! (micta cawerimitowok.) |
Mamitci e mawotcihitonaniwok
| Kaskina aniki ka ki otamirotatcik acitc anikik e nta pamiparitcik. Claudie-Rodrigue-Éric-Valentine : Kwei kaskina e taciekw! «Anotc, nikwimesinanak, enko anihe mamitci ke mawotcihitoikw epwamoci matcaikw. Micta mitceno kekocica ke arimotamokw.» 1 ► E newitcik wawitamok ke arimotakike mawotcihitotcik : ♦ Okaromiwaw ke posiwaketcik nanakatcihewok, ♦ ke ici matcetasotcik, ♦ tan ke ici werinaniwok, ♦ irakonikewina ke nosanetakaniwok, ♦ etc. 2 ► Ickwa kaskina aiarimotcikateke ekoni minawatc ke iti kanawapatcikatek ite mia ke icaniwok. Aci tca nta… Kitci kekocic Kaskina actowepitcikatew. Petakon memantcic kitotakan e nakamonaniwok acitc e potatcikaniwok memantcic kaie tewehikaniwon. E itatakok anihe kaskina ka petakok mia sa nte ko ka ocki nitawikamakak kekocic. Waban tca nte kirika petakosiw e atisokatak. Tekaci nte otananik apiw ekote wetetak acitc tca nte masinacteparitcikaniwon. Kwei nikwimesak,
Ki mikawinawaw nikotin e ki micta warawik otateikw ki taw nta peikw iriniw e ki pe takocipatatc atikok e positc e pe nta nakickatokw. [ masinactepatakaniwon peikw iriniw e positc atikwa tekaci e wapasiritci ] nte tca e iciwirikoikw micta mikiwam nta ka icinikatek Chenonceaux. [Nokotakaniwon anihe micta mikiwam] Ekote nte ka micta miroskwewitc anahwe Diane de Piotiers ka icinikasotc. [Nokosiw anaha iskwew micta masinasowinik] okwimesa anaha okimaw France, e pehimitc kitci nta nipekeiak… Wapatariwew kirika Waban mia nte ke aicaniwok. E nokotatc kirika tan e itatisokaterik kaskina aniheriw e ki otamirotac. Kaskina aniheriw ka ki mamockinak ke kictapatanik kitci wapatcikaterik. Mikiwama e icinakonik ke pa aicaniwonik acitc masinasowina e nakosiritci neta awiriwa ke wapamatcik. . Kaskina micta pasakotcitcehamawok e mireritakik e wapatakik kaskina ka ki ici otamiroritci Waban. Kaskina awik micta mireritam micta nakasiwok kitci nta pamiparitcik. Ki kackitaw kitci wapatariwetc tan wir e ici wapatak. Mikwetc itew kiskinohamake iriniwa ka ki witcihikotc M. Berthelot ka icinikasoritci. |
Marilou okomik e kiwotetc
| Ki kitcipariw kitci pa kiwotetc anaha ko otamirotc witcihiwewinik itekera. Aci mitceto arokanan ickwa mipariniw ki oreritamiriwa aci Marilou okawia kitci ponitaritci e otapinamiritci matci mackikiriw. Ki nataweritamiriw kitci icaritci nete ko ka ici icatcik ka wi ponitatcik e otapinakik matci mackikiriw. Irikik tca aka ke tacikeritci okawia neta kata nta tacikew Marilou okomik. Minawatc ocima aci wir takoniw e ici kanaweritakositc. Minawatc aniheriw octesa omocomeciwak neta naha wir kata tacikew. Nama meka mireritam wircike kitci tacikeritci omikiwamiwak e kokwasikerimatc wiec kitci aitotamiritci. Peikon aric kaie neta ke ici taciketc omocomecik nama orina mirowinakosiriw kaie wir meka anahwe otapinam matci mackikiriw. Enko aric tepirak ke ki otapinatc kitci kanawerimatc nama taw kotak awik. |
Aci kitci matceparinaniwok
| Aci otcitciparin kitci matceparinaniwok. Aci topis kata takociparin 7h30 e kicepawok kata actew ite ke otci matceparinaniwok. E newitcik ka ki weritatcik pe kapawok. |
 |
| Rodrigue - | Ki ka nanakatcitanano kekwan ke aitotisketc kaskina e papeikociikw. |
| Valentine - | Nin, Ni ka nanakatcihiwawok aniki kaskina ka masinasotcik e apitc kaskina taciketcik. Kecpin aka tacikewate 8h15 tato tipahikaneake ki ka natcipahananowok. |
| Claudie - | Nin tca, ni ka nanakatcitan ke apitc ma tarikwe kaskina okaromiwaw ke posiwaketcik. Kaie aniheriw omasinahikaniwaw e masinaterik e apitc ma takonikwe wiec e akositcik. |
| Éric - | Rodrigue kirika tca nin, ni ka nanakatcitanan ke apitc ma kaskina ka ki masinahotisonaniwok ka ici matcewotasoiikw. Ke apitc ma mia ka ici nakikasonaniwok aka wiec kitci aspiriikw mia wi posiikwe. Mia kaie kitci irikokwak ka actek matci kitci ki positakaniwok. |
| Aickotc pe aitakoniwok. | |
| Participant 1 - | Kwei kaskina! |
| Valentine - | Kwei Yvon. |
| Claudie - | Kikarom? OK. Ke posiwakein karo? OK. Akosiwi karo? |
| Yvon. | Nama taw nin. |
| Rodrigue | Kit irapatcitcikana? Ehe, enko. |
| Participante 2 - | Kwei kaskina! |
| Valentine - | Kwei Mylène. |
| Claudie - | Ka kikarom? Ke posiwakein kikarom? Nama takon ki masinahikan e apitc akosiwatisiin? |
| Éric - | Kit irapatcitcikana : wops ! nama kaskina ki otci mockinesinahen. Oma masinahikanatikw mockinesinaha. Ite we ototein kirika masinaha. |
| Participante 3 - | Kwei kaskina! |
| Valentine - | Kwei Sandra. |
| Claudie - | |
| Sandra - | Ma taw! Niah. Osam meka ni ni micta onockweriten ni ki tca onikan. Arimatc patama ni ka kiwan kitci natcipahak. |
| Claudie - | Rodrigue otawia ki ka ispariikw. |
| Valentine - | Kwei Conrad. |
| Claudie - | Kikarom? OK. Ke posiwakein karo? OK. Akosiwi karo? |
| Conrad - | Nama. |
| Rodrigue | Oh! Oh! Nama nte ki ka ki itapikaten. Nama kata miroparin. |
| Éric - | Pitoc nte kotci itapikata aka kitci osami mockinitasoiin kata kaskiprin kocakewoc kekotc ma atita nakata. |
| Valentine - | Aci 8h15 tato tipahikaneaw kiapatc nikotwaso notepariwok. Ni ki takapikenamowawok. |
| Rodrigue - | Ekoni ke ici kitcipariwok kitci papositasowok. |
| Valentine - | Kwei Marilou. |
| Claudie - | Kwei Marilou! Kikarom! Ke posiwakein kikarom. OK. |
| Éric - | Osam micaw kocakewoc. |
| Marilou - | Nama meka takon kotak! |
| Rodrigue - | Ki ka miskamatinan kotak mia e irikokwak. |
| Valentine - | Oma! Waban. |
| Waban - | Kwei, Ka witcihiwetc kaie wir. |
| Claudie - | Kwei Waban. Enko ia kikarom? OK. |
| Rodrigue - | Kwei Waban. Enko kaskina kit irapatcitawin? OK. Ekote meka tca. |
| Valentine - | Kwei Jason. |
| Claudie - | Kikarom ke posiwakeiin? OK. Kikarom tca? |
| Jason - | Kekw karo? Nama ki kiskeritetai arimatc kitci tatc karo. |
|
  |
| Valentine-Éric-Rodrigue - | Tan e isparik? |
   |
|
| Claudie - | Nama tariw okaroma. |
| Jason - | Aka sa patama. Ohwe ia ni ka itein? |
| Claudie - | Micta ko kir! |
| Jason - | Nit arikasitai meka ni. |
| Claudie - | Ma tca ni ki wapaten aka anihe patama kitci aitotaman! E micta mitcek ke aitotamokw. |
| Éric - | Nama sapinakon ka ici arikasiin. Tan sa kotci kotakahi kit irapatcitawina. |
| Rodrigue - | OK. Ekote ni. Matca tca matca. |
| Valentine - | Kaskina aci ickwa pe takociniwok. |
| Claudie - | Aniki mamotcitc ka pe takocinitcik pe wapataritckw kikaromiwaw acitc anaha kikaromiwaw ke posiwakeiekw. |
| Rodrigue - | Wepatakw kitci positasoiekw. |
| Chauffeur - | Aci 8h45. Aci anotcikwetc ki ka matceparinano. |
| Claudie-Valentine-Rodrigue-Éric | Kitci kekocic ki ka witamatinan. Awin tca cka kirika ke witcewitok. |
| Participants - | - Ka witasiketc awaciwikiwamik. - Ka tiperitak actowehike iriniw. - Kokotcekan Frankenstein. |
| Claudie-Valentine-Rodrigue-Éric | Ka kiskinohamaketc! Mamantcic ki ka pe witcewokono. Ki ka micta miro witcihikono. |
| Participants - | Yaouououu ! Mirwatikwatc! |
| Onikihikonanak / okwimesinanak/ kotahik awiik : | . Pe takapikenikekw takociniekwe nete France. . Pe iciticahamacinan kekocic mitowi karo e masinatek ite pe pa aitacikeiikw. . Aka onike ka ki awihitan 2,75 $ kitci petain ka miromakocik. . OK, aric pe takociniane 25$ ki ka pe awihin. . Aka mato nikawi. Nama arimatc ki ka tcipakocin acitc nama ki ka peten ka ici kototakeian. . Ki ka petanawaw tekaci kitci nakaparik kamiremakak epwamoci kapaiekw. . Wapamikwekwe tan e icinakosiekw ki ka kiweticohikowaw. . Aka onikekw kirawaw wesa ke totamekw kitci otci kiskeritakosiikw. . Ekoci micta pa mireritamok kaketin, nanikotin mamitonerimicinan. . Ki ka takapikenamatinan. |
| Ka miparitwatc topisiriw - | Aci arimatc kaskina kitci posiekw topisik! |
| Parents/amis - | Ki wi masinahotinan kaskina e taciekw kitci tatc masinasowin. Neta nikanik topisik ici orikapowikw. Clic Clic Clic Clic Clic Clic |
| Jason à Claudie - | Anotc nte ka ki ici arikasian ni kiskeriten ceckwatc ni e ki ici arikasian. |
| Claudie - | OK. Ekoni ici oniketa. |
| Aci matcepariwok nete ka ici opohomakak kamiremakak |
Ka ici opohomakak ka miremakak
| Marilou - | Ni micta nikiparin e apitc mireritaman. |
| Claudie - | Mia sa aci e wapamitisoian e papamoteian Paris. |
| Rodrigue - | Kitcikamik tca ni okitc ki ka miparinano. |
| Waban - | Tawok tca ni pakwa emitikociwicak kaie wirawaw ota ka positcik. Ni nisitotowawok e ici arimwetcik. Kaskina ni wiec ototewok. Tepirak e petowakaniwitcik e ici arimwetcik. |
| Rodrigue - | Ki ka witamatinawaw kekocic : ni ki iteritetai nama wiskatc ni ka kackitanan kitci icinakok ohwe mekwata ka totamokw. |
| Claudie - | Nama aric ki otci ataweritcikanano. Nin tca ni micta kicteriten peikw kekocic : e ki micta miro weriikw. Kata micta mirawcin ohwe ka nta pamipariikw. |
| Waban - | Kirika aric nin e iteritaman, nama ni anihe kirawe ka kictapatak tan ke ici pa nosanetaiikw. |
| Valentine - | Niah! Kekwan wetci itein namiew anihe ka kictapatak? E ki tca micta otamiroiikw kitci miroparik kaskina.Hein ! |
| Claudie - | Ni nisitoten ka wi itein : takonopan ka micta wi totamopan ki tca kackitan kitci posipatiak anihe ka micta wi totamopan. Misawatc tca aka mia kaskina totamokwe ka ki ici orisinahamokw aric ma ki ka micta pa mireritenano. |
| Waban - | Tapwe. Kirika tca ni kackeriten ni mamantcic tawok meka tca kaie wirawaw ka micta wi pe icawaspan aka tca e ki otci miroparinik kitci pe icatcik. |
| Rodrigue - | Nama nte. Waban, kata ni miroparinipan aric ma wirawaw kotakeriw kekociciriw kirawe ki sakitawok. Kaie ni kekatc kotak kekocic ni ki orapiten mekwata ka micta miparik matci mackiki neta ka ici okwimesian. E ki wapamakik nikwimesak awosi nipinok kekatc kaie nin neta ni ki ici pakicinin. Kir aric ki ki ici pakicinin aric ki ki kackihon kitci pasikoin. |
| Marilou - | Ki kiskeriten ia tca, kecpin neta e tacikein matci mackikik, ekoni e icinakositcik aniki ka okwimesimatcik nac tca iti micta ariman kirawe. Tekaci tca nama wi nisitotaman awik tan e isparitc mictahi tca arimaniw e ici pimotetc. |
| Éric - | E witcihakaniwitc awik matci ni kackiho tan? Kanawapata ma kir ki ki kackihon. . |
| Waban - | Witcihiwewin nama ni tepirak anihe. Arimatc ni takoniw awik kekociriw ka micta pasoweritak, ka micta wi totak kitci witcihikotc pitoc kitci iteritak. |
| Marilou - | Witcihiwewin, ehe. Pasoweritamowin, ehe. Arimatc aric kirika kitci tatc awik ke tapwerimiskw. Ekote kaie kir ke otci tapwerimitisoiin. |
| Ka ici petakok : | Ekwa tca : Kaskina mekwata ka positcik ota kamiremakakik kata takopitisowok. Aci ki ka iti opohonano. |
Aiackotc orapiwok ke ici apitcik.
|
Marilou - Ni micta nikiparin e apitc mireritaman. Claudie - Mia sa aci e wapamitisoian e papamoteian Paris. Rodrigue - Kitcikamik tca ni okitc ki ka miparinano. Waban - Tawok tca ni pakwa emitikociwicak kaie wirawaw ota ka positcik. Ni nisitotowawok e ici arimwetcik. Kaskina ni wiec ototewok. Tepirak e petowakaniwitcik e ici arimwetcik. Rodrigue - Ki ka witamatinawaw kekocic : ni ki iteritetai nama wiskatc ni ka kackitanan kitci icinakok ohwe mekwata ka totamokw. |
|
| Claudie - | Nama aric ki otci ataweritcikanano. Nin tca ni micta kicteriten peikw kekocic : e ki micta miro weriikw. Kata micta mirawcin ohwe ka nta pamipariikw. |
| Waban - | Kirika aric nin e iteritaman, nama ni anihe kirawe ka kictapatak tan ke ici pa nosanetaiikw. |
|
  |
| Waban - | Tapwe. Kirika tca ni kackeriten ni mamantcic tawok meka tca kaie wirawaw ka micta wi pe icawaspan aka tca e ki otci miroparinik kitci pe icatcik. |
| Rodrigue - | Nama nte. Waban, kata ni miroparinipan aric ma wirawaw kotakeriw kekociciriw kirawe ki sakitawok. Kaie ni kekatc kotak kekocic ni ki orapiten mekwata ka micta miparik matci mackiki neta ka ici okwimesian. E ki wapamakik nikwimesak awosi nipinok kekatc kaie nin neta ni ki ici pakicinin. Kir aric ki ki ici pakicinin aric ki ki kackihon kitci pasikoin. |
| Marilou - | Ki kiskeriten ia tca, kecpin neta e tacikein matci mackikik,ekoni e icinakositcik aniki ka okwimesimatcik nac tca iti micta ariman kirawe. Tekaci tca nama wi nisitotaman awik tan e isparitc mictahi tca arimaniw e ici pimotetc. |
|
|
| Ka ici petakok : - | Ekwa tca : Kaskina mekwata ka positcik ota ka miremakakik kata takopitisowok. Aci ki ka iti opohonano. |
 |
| E aimihitotcik ka ocki pimatisitcik mitceniw ka ki aiarimotakik. |
| Kecpin e mitcetinaniwok e wapamakaniwitcik kekociciriw aka mia e totakik ariman aka nihe e wi totcikatek kekotc aka aci e wi ici pimotaniwok arimatc kata witcihikosinaniwon. |
| Patam kekocic kata aitacikatew kekociriw e ici saperitak awik kitci cowatc icinakotatc opimatisiwin. |
| Patam tapwetatiso awik. |
| D'après votre expérience de vie et ce que vous voyez autour de vous, qu'en pensez-vous ? |