9. E mawotcicoriawaniwok

Nictam ke totakik kitci mawotcicoriawatcik. Arimipariwok e mawotcicoriawetcik. Kiapatc pamatisokaniwon. Orina arimipariw Marilou. Kekociciriw wi tipatcimoctawew Waban okwimesa.

E mockinikatcki opotaia acitc pweteapiskwa

E mari kicikak

Participant 1-	Tante wirawaw aniki?
Participant 2-	Enko naha Marikou ka petcimotetc.
Marilou-	Kwei!
Participants-	Kwei!
Marilou-	Ma tacikew wir Waban?
Participants-	Nama ni ki otci wapamanan.
Marilou-	Matci memancic ki ka pehonano kiapatc.

Wiskata minawatc…

Participant 1-	Aci wiec mitato acitc niarano tipahikanicic. Nama ketcinatc micta kinec ki ka pehonano. E tca niciki mackimotai e micta micaki ke mockinitaiikw.
Marilou-	OK, ekoni meka tca ke ici kitcipariwok.

Wiec e ickwa nicotipahikaneak

Marilou :	Micta nipara ki mawotcitano.
Part 2-	Aci ki ta ponitanano. Aci kata osamickinewa.
Part 1-	Nete tca ki ka iciwitanano awaciwikiwamik.
Marilou-	Akawir, kipahikatew ni e manactakaniwok.
Participant 1-	Matci nete nimikiwaminak cekotak nte iskwatakanik ki ka actanano. Ockorkananiwoke tca ni ka iciwitanan kirika notawi.
Participant 2-	Erowek sa Waban e ki witcihiwetc…
Marilou-	Hum!

Kotak pamatisokan : Marilou

Marilou-	Awocakocik sa e pe orowian atawekamikocik, ni ki nakickowawok nicto ickwecak ka witcipitakemakik kiskinohamatokamikok.
Filles-	Eh! Marilou ! Tapwe ia ni ki mawotcihitonawaw kitci weritaiekw kitci mawotcicoriekw kitci opohoekw.
Marilou-	Tan e iteiin ??
Filles-	Mani mekwata ki taci weritanawaw kitci icaiekw nete France ka icinikatek?
Marilou-	Ehe, ni micta otamironan anihwe otci. Kata micta mitceno kekocic ke aitotamak kitci mawotcicoriakeiak.
Filles-	Tapwe ia ni kecpin e minikweian ko napier kekotc ma ko ki sakosawakeiin nama ki ka ican kir?
Marilou-	Nama ni kiskeriten nin. Ke apitc ma e minikeiin kekotc e minikweiin. Aric ma peikon ni e icinakok irakonikewin mitowi nete awaciwikiwamik. Nama ni kekocic ki otci koski irakonikatew.
Filles-	Tan tca kir kekwan wetci pa tacikeiin neta kit iteriten ia ni nama ni kiskeritenan e sakosawakeiin?
Marilou-	Ekote ma ka ni, mekwata meka ni ponitan ni kiskeriten ni kecpin aka ponitaiane nama ni ka ki tacikan neta nama kaie ni ka ki ican e nta pamiparinaniwok.
Filles-	Kir. Kitci ponitaiin? Ohhhhh! Epwamoci ni isparik, tekaci aci ka ta ickwa tetipapariwok aski e irikokwak.
Marilou-	Kirawaw kotc ka wi totamekw, nin ka wi totaman ni ka toten. OK?
Filles-	Ni kiskeritenan e totaman kotc ka wi totaman. Ah! Ah! Ah! Ah!
Marilou-	Ekote meka tca. Kotc awik ka wi totak. Matcaci!
Filles-	Aie ! Ki micta aric wanakasinakosinawaw : kaie kir tca ni e otapinam, tepirak tca kotc mia sa aka kekocic e totaman.
Marilou-	Kekwan tca wetci micta wisakeritamekw e wi ponitaian?
Filles-	Tepirak meka ni arica e totaman kirika aka kitci tacik kotakahik ke icatcik.
Marilou-	Kotakahik! Awin aniki tca ni kotakahik? Nama awik ekockatc itakaniwiw; ekoni peikon e icinakok kaskina awik otci anaha kotc ka oreritamasotc ke totak.
Filles-	Aric ma, aniki mitowi kir nama ni naherimananak.
Marilou-	Ekote meka tca, mirwatikwatc aka e pe icaiekw aka e pe witceiak.
Filles-	Kir ni nama actepan kitci pa tacikeiin neta.
Marilou-	Ekoni aci aci ki ickwa tapi petatinawaw. Matcaciikw! Matci kaie kirawaw weritak kitci matcaiekw kitci opohoiekw, nama tca kata awik e kakweritak.

Tan e iteritamekw aniheriw ka totakik e nictitcik ickwecak?

Nama mia ici witamokw aka e mireritakik aka wirawaw e icatcik kitci nta pamiparinaniwonik.

Tepirak ni wetcinakeritcikewok aka wirawaw e icatcik. Nama kaie wi natowi totamokw kaie wirawaw kitci icatcik.

Otamihikowok matci mackikiriw e otapinakik ekotca e nakackakotcik irakonikewiniw.

Kockopariwok ni e wapamatcik Marilouwa peikon e kackitaritci kitci icaritci kirawe tca wi wapamewok aka kitci icaritci mitowi wirawaw ka isparitcik.

Tan ni ki ta toten kir mitowi Marilou ka taci isparitc?
Ekoni peikon ni ta toten : Ni ta matceticohwawok.	Ni ta micta takickakon. Ni ta tca ataweritcikan.	Ni ta micta cikeriten aric peikon nta nosanetan .

Mawotcihitowin spakatci e wi tcipakwaniwok

Claudie -	Kitci nipwekwaniwok spakatci, kata sa ni potc tawok ke saperitakik.
Waban -	Kaskina awik kiskeritam aniheriw. Kirika tca, irikik ke kicikasomakak peikw orakan ataweikwe wiec 4.337 kilomètres e asitcak. Irikik ke actaikw irikik ke tcipakweiikw ki ka akitenano irikik ke otci coriakeiikw.
Claudie-	Micta mirwacin! Aci kotc micta kotc petcimakon tcipakwan.

Marilou-	Ki micta matawikitason irikik ke coriakeiikw! Namiew nin tcipakwan ka petcimataman! Anihe kirawe ka ki ici witatisokeiin Ah! Ah! Ah! Witeritakon mictahi.
Rodrigue -	Waban, nama wiskat ni iteritetai e micta kackitaiin e matawikitasoin. Wapataricinan e asitci kackitain e akitasoiin.
Waban-	Eko meka ni cakotc e icinakosian ni micta ni kitaweriten.
Rodrigue -	E arimotamokw akitasowin, arimatc ki ka akimananowok spakatci ke apatisitc.
Marilou -	Tepirak ki ka kwetcimano tcipakwe iskwew. Micta ni wirawaw capo kiskeritamokw aniheriw ko towiriw.
Claudie -	Tante ni ke taci itotiskeiikw anihe? Arimatc pecotcik kitci takok tcipakwewokamikw kitci miro tcipakwewok
Waban-	Mia kata irikokwaw metawekomikok.
Rodrigue-	Micaw sa wir. Kecpin aric awocamec mitato mitana tacinaniwoke osam kata micta micaw. Kekatc nit iteriten arimatc kirawe e apicik.
Waban-	Nama ni arimatc peikonok ki ka taci aitotiskanano. Matci ki ka matcerano askikok ite ke ici totamokw.
Claudie-	Nin, nama ni sakitan e mitcian spakatci e takak.
Rodrigue-	Aka patima! Ceckwat ki sekisinano? Patima ki ka atawanano karocak ke mitcisowakaniwok minawatc tca ka akimanowok irikik ke pa nta mitcisotcik. Ekote ke otci kiskeritamokw acitc tante ke ki nta mitcisonaniwok.
Marilou-	C'est bien vrai.
Waban-	Aric kecpin tca tatawe mia aci kekatc kitciparike pe takociniwate e wi otapinatcik karoca?
Claudie-	Tepirak awocamec nipara ki ka tcipakwanano. Nama sa wirata kinec tacikatew e kisisikatek spakatci.

Waban-	Tan ke totamokw e ataweiikw karocak?
Rodrigue-	Papeikw kirano e taciikw ki ka atawanano, matci potc nicwaso ki ka mamirotonano karocak. Aniki kaie wirawaw ka witcewitakok kata ki atawewok karoca.
Marilou-	Kirawe ketcinatc kata miroparin irikik kotc awik e wi atawetc kata matcewirew, irikik kotc ke kackitatc kitci atawetc.

Waban-	Awin tca ke mitatc coriariw?
Rodrigue-	Matci nin.
Marilou-	Tan apitc tca ke kitcipariikw?
Rodrigue-	Ockorkananiwoke ickwa arowepiwokwe kirawe kata taniwon mikiwamiskak. Ni ka mawotcitan coria epwamoci arowepinaniwok.
Claudie-	Tapwe kotc.

E mawotcitatc coriariw itikik ka ki atawaniwok karokak

Aka ka ki otci petatc coriariw Marilou

Rodrigue-

On a ici la liste de ceux qui avaient des billets et le nombre.

icinikasowin	kakokak	ka ki atawaniwok	coria ka ki petakaniwok	aka ka ki otci atawaniwok
Waban	8	2	= 2	6
Rodrigue	6	5	= 5	2
Claudie	8	6	= 6	2
Marilou	6	5	= 1	1
Participant 1	...	...	...	...
Participant 2	...	...	...	...
Participant…	...	...	...	...
Participant…	...	...	...	...

Rodrigue-	Awira! Waban, ki micta naskwan e atawein : 2 karocak ki atawan. Ki ia tca arowepin minawatc.
Waban-	Ehe, ni kiskeriten aka tapwe e ki otci ataweian.
Rodrigue -	Marilou, niaran kir ki atawan. Irikik tca e petain coria mia sa peikw tepirak e ki atawein.
Marilou-	(Nama kitonaniwon.) Ni ki onitan coria. Ki wi ni witamatitai ata. Nama aric ni kiskeritetai ke ititan.
Rodrigue-	Nia Marilou! Nama sa ni ki ka ki patama pa onitanano coria irikik e pe witcihikoiikw e mawotci coriakeiikw, nama sa ni aci ki ka wi tapwetakowinano. Nama tca kata miroparin ka wi matcepariwok. Arimatc ki ka misken anihe coria.
Marilou-	Ni ki itwan ni ki onitan. Tapwe ni cikeriten. Tapwe aric ni ki onitan nama tca wiec ni ka ki toten kitci miskaman.
Waban-	Nama arimatc ki ka micta kicean, Marilou. Tepirak meka ni wi nanto kiskeritenan.
Marilou-	Nama ni mitowi kirawaw nin. Nama nin miroparin tecikotc kitci natawapamakik ninikihikok kitci pe pakocahamaskik coriariw irikik ka noteparik.
Claudie-	Ni nisitotenan meka ni anihe aric ma peikon arimatc ki ka arimotenano. Tekaci nama ni mirerimon nin anihe otci.
Marilou-	Ekoni meka tca ici itekw ni kimotai iskweiin!
Claudie-	Nama nte nit itan.
Waban-	Ki tapwetatinan ni, Marilou..
Marilou-	Mia tca ni aka e tapwetoiekw. Tekaci ni nama ni kiskeriten tapwe tante ka ki isparik anihe coria. Anihe aric ka kiskeritaman tapwe ni kaie nin ni wi nta pamiparin. Tapwe kaie ki wi witcihitinawaw.
Rodrigue-	Ke totamokw meka tca minawatc aiaskwi ki ka pe iciwitanano coria patok ki taci petaikw tekaci kitci ickwa aikeiikw. Kirawe tca kata miroparin. Nama tca ki ka arimiparinano minawatc kekocic isparike tecikotc meka ki ka ocitanano anihe aka ke miroparik.
Waban-	Tapwe kotc!
Claudie-	Aci meka tca ki ka weritanano ka wi ocitaiikw kitci mitcisonaniwok. Wiec niaran kekotc nikotwaso ki ka arananowok ke witcihiwetcik.

Marilou acitc octesa kirika otawi irikik ka arowepinaniwok

Ki kitcipariw Marilou aka tapwe aci kitci otapinak matci mackikiriw. E mari kicikarik nama tacikeriw okawia acitc ocima ka ickweciwiritci. Okomik neta ici nta mitciso e ickwa tca mitcisotc aci nta pe kiwew.

Pimotew neta pecotcik mikiwamickicik.

Iteritam Marilou, "Oh! Oh! Tatake neta awik wasietak. Micta petcinaso ka sakaswakaniwok. »)

. E ickwa takocik Marilou omikiwamik. Taci masinactetcikeriw otawi. Micta petcimacteriw kekwaritake nte atamitak otcimacteriw.

Iteritam Marilou: "Nictes ketcinatc. Ni micta matcinaten. Nama ota ni ka pa tacikan.»)

. Orowiw Marilou.

(Iteritam Marilou: « Nete ni ka ican awaciwikiwamik. »)

. Kotc e ickwa itetc :

(Iteritam Marilou: «Ah! Ni onikaten. Kipahikatew ni e mari kicikak.)

. Taci apiw nte Marilou iskwatakanik. Micta taci iteritam mia sa e taci tasosoan kaskina wiec.
. Takon matci mackiki orowitamik, takon matci mackiki pitakamik, tante tca aci ke icaian wesa, nama takon ite ke icaian.

Iteritam Marilou: "Wirata nin ni micta kotcitan kaskina tca kekocic nit aiciwepasin. Nin ia tca tepirak ni ka meckotatisin nama tca wirawaw?»)

. Marilou wi natawapapew Waban aric esko mamitcic ka wapamitotcik e ki kiskeritak kiapatc aniheriw e arimihikoritci nama aci tapwe wi tapwerimew.

Iteritam Marilou: "Kecpin tca nete icaiane Claudik!... Nama ni tapi kiskerimitonan. Nama ni ka ki ici ican aka e ki otci witamowak. Kata micta kockopariw. Kata iteritam tan tca ni e ispartic.»)

. E apitc micta kokwetowi aitotak aka tca kirika e wi iteritakositc micta taci kitimakisiw anohwe ickwecic. Nitowatc pitakew omikiwamik. Aci kaie misawatc pe icinakoniw kitci pe kimiwonik.
. Anihi octesa acitc otawia taci ciwakaminikeriw. Itinimako anihi octesa napaneca kitci ispitamaritci. Nama tca wir otci otapinew.

Frère -	Aie ! Ki kiskeriten ia ni wirata kekwan ka miritan? Misikitasosiw sa ni ko ohwa! Aka tca kekocic e nataweritamatan.
Père -	Ki kiskeritetai ia ni wirata e tatc ota kimikiwamiank ka micta kitcitawisikasotc!
Marilou -	Nama ni, ni Kitcitawisikason aric ma nama ni wi otapinaw. Ekoni kotc.
Père -	Mani ka kackitaiin e iteiin nama ni wi otapinaw aka tca wiskatc e ki otci kotcihatc! Nama wirawatc ki kiskerimaw awin ni naha. Kirake ma peikwa kotcihi.
Marilou -	Kecpin kirawaw e wi otapinekw, ekoci ma kirawaw totawak nama ni nin ni saperiten.

	Ospitonik ici makoniko otawi :
Père -	E ici wapamiak ninan nama mia nit icinakosinan, taina? Aka mia ka totakik? Ka pactonitcik taina? Kir tca pitoc kit icinakosin pitoc kit itatisin? Ka sakoswaketc tepirak kir taina? Ekote ni taina?
Marilou -	Pakitinici!

Père -	Kit iteriten ia ni nama ni kiskeritenan e iteritaman? Nete awaciwikiwamik anihe kaskina ki otcitan, taina? Kekwan wetci aka nete icaiin awaciwikiwamik?
Marilou -	Kipahikatew anotc.
Père -	Oooh! Oooh! Kipahikatew. Ekoni wetci ota pe takociniin ota kitci tca micta mihitaak.
Marilou -	Ni kackitan ni nircike kitci mihitisoian nama kaie kekocic ni ki otci nataweriten. Pakitinici!
	Wikotciho Marilou. Ekotca e sikiwepackomowatc otawi okapiriw.
Père -	Kanawapata tca e totaman, Tekaci ko aka ka waskomatisitc!
	Otamikwehakaniwiw. Matao tca Marilou.
Marilou -	Otcita ehe.
Père -	Kecpin meka tca wi tacikeine ota, ki ka nosanetan ota irakonikewina. Patok kitci pe marerimiak.
Marilou -	Nama wiskatc ki otci marerimitinawaw. Ekoni irikik nitata!
Père -	Kecpin nataweritamane kitci ponitaian, patam ki ka pe witamoin kitci nosanetaiin ota e ici orakonikeian.
Marilou -	Aaaouch! Aouch! Pakitinico, OK. Ni ka otapinen ki matcimackikikim.
Père -	Aci, ki micta kitaweriten. Aci arimatc wewerita ki ka nanakatcihitin.

Matci ia ni ekoni e totakik onikihikonanak ?		Matci ia ni ekoni e totakik owitci ockinikiwok ?
Oui	Non	Oui	Non

E mitcinaniwok spakatci

Mitcisowokamikok kiskinohamatokamikok

E ockorkananiwok wetakocik

Claudie kirika Rodrigue pa aitacikewok aci acitc aniki ka witcihiwetcik.

Claudie -	Arimatc nicw awik ke mitatcik tcipakwewokamikoriw. Niciwok wirata ka pe nta witcihiwetcik nete ka otamirotcik kiskinohamatokamikok.
Rodrigue-	Aniki tca kotakahik, ekota ota ke witcihiekw, ki ka orictanano mitcisowakana tetapiwakana ki ka aictanano acitc kitotakan ke apatak kitci ki miro petakosinaniwok e arimwaniwok.
Rodrigue-	Hé ! Claudie, tante wirawaw Waban kirika Marilou?
Claudie -	Nama ni ki otci wapamawok.
Rodrigue-	Ni ka takapikenamowawok. Wirawaw meka ni ke apitcik neta ke otci pe pitakaniwonik.

E ickwa niarano tipahikaneacik

Claudie à Rodrigue -	Ki a tca miskawemawok?
Rodrigue -	Nama ni otapinikatew nete Marikou omikiwamik minawatc wir Waban nama tacikew. Arimatc ki ka natawapamanowok kotakahik.

Nanake wiskata

Rodrigue à Claudie -	Aci pe aitakociniwok. Matci natawapamik arimatc nete ni ka nta witcihiweian e iciwirakaniwitcik cotorowok nin.
Claudie -	Aci pe pitakew Marilou. Aci erowek!
Rodrigue -	Nia! E icinakositc ma tekaci nama miromatisinakosiw.
Claudie -	Kirakec aric tacikew. Ekoni anihe ka kictapatak.

Nanake wiskata, Mekwata e nipekwaniwok.

Participant -	Kekwan wetci aka taciketc Waban ota?
Rodrigue -	Takawockotc.
Claudie -	Potc akositake.
Participant -	Nama patama kata ki pa akosiw.
Claudie à Rodrigue -	Arimatc ki ka nta aimihananowok ka pe takocinitcik.
Rodrigue -	Waban meka ni acteripan kitci totak niheriw. Wir nte pa kanaweritam kaskina irapatcitcikaniw kitci pa masinatciketc.
Claudie -	Ekoni patama ke ici onikatok Waban. Mikwetc ki nta itananowok aniki ka pe takocinitcik, ekoni ni ka kictapatak ke totamok. Kitci tipatcimoctowikok wewerita kekwan ka totamokw acitc kitci witamokok tan aci e aitaiikw ka wi matcepariwok.
Rodrigue -	Nama wirawatc ki otci werinano wewerita. Tan tca ke icinakosiikw.
Claudie -	Bof ! Kaketin ki ka kotci mia kitci ici tipatcimoiikw. Arimatc meka misawatc ki ka tipatcimonano.