6. E weritakaniwok ke itotiskaniwok

Aniki ka weritatcik mamitoneritamokw ite ke icatcik. Kekwaririw ke ki natawapatakik acitc kekwariw ke aitotisketcik airimotamokw kirika ka ici arimipariritci Marilowa, acitc tan e icitakickakotcik. Mekwata tca kaie wir Waban takoniw ka otamickakotc ekota ke otci nakickotatcik minawatc.

PRÉPARATION DES ACTIVITES

1e réunion : Remue-méninges

Waban -	Aci e kiskeritamokw tan ke totamokw. Aci ki ta orictanano ke ici otamiroiikw.
Marilou -	Peikw kekocic ni wi witen. Ekoni kaskina ki ta ici masinahenano anihe ka pe orowiparik misawatc micta mitceke. Ki ka tca wawapatenano.
Claudie -	Patama aric peikon ki ka kanawapatenano anihe matci ke ki aitotiskaniwok ite ke wi icaiikw. Kirawe tca ki ka kiskeritenano.
Rodrigue-	Awin tca ke masinahiketc anotc?
Claudie -	Nin ni ka masinahikan.
Waban -	Kecpin aric e takok aci e kiskeritamokw ke totamokw kirawe kata wetan.
Rodrigue-	Matci ni e niciki ki ka totenano. Atita kata masinahamokw kekwan matci ke ki aitotiskaniwok ite kotc ke ici orapitcikatek ke icaniwok.
Claudie -	Ehe, kaskina tca kirika kitci wawapatamokw kaskina awik tan e iteritak.
Rodrigue-	Ekote ma ni matci ke totamokw e kitcipariwok kecpin tca iti takoke kotak kekocic ke iti aitwaniwok tepirak ki ka iti masinahenano.
Claudie -	Awin tca aniheriw ke totak minawatc tca awin tca aniheriw kotakeriw ke ocitatc? Kirawe miroparin kaskina kekocic e masinahikatek minawatc tca pa peikw e kanawapatcikatek. Patok kitci micta pa nantonikatek kaskina wiec.
Marilou -	Kekwan mocak wetci micta arimak kirano kekocic e ocitaiikw mocak ko kitci nanikanitoiiikw.
Claudie -	Nama meka ni ni nanikanitonano. Ki kotci meka ni nahipatenano kotamirowinino.
Rodrigue-	Nama ki nanikanitonano. Arimatc aric ki ka oreritenano tan ke totamokw. Nictino tca ke kanawapatamokw : . Kaskina ki ka masinahenano kekwariw awiik ke orowipatakik e iteritakik. . Kaskina awik kata nantonam ke ki aitotiskaniwonik ite kotc wa icaniwok. . Kitci tatcik kotakahik ke otamirotatcik kotc ke ici orowoparik ke aitwaniwok. Minawatc kotakahik tepirak kitci nantoniketcik.
Waban -	Mekwata e taci aiarimotamokw kirawe ekoni e ici kitcipariwok kaskina kitci masinahamokw kotc awik ke itetc. Ki ka witcihikonano.
Marilou -	Ehe, ekote ke totamokw.
Waban-	Arimatc ki ka kokwetcimano kiskinohamake iriniw ke apitc ma kiskerimakwe awiriwa net eke ki natawapamokw. Matci nte awiik ka micta miro kiskeritakik e aicinakonik otacikewiniwaw.
Rodrigue-	Nin, nta micta mireriten kitci pa icaian notcimik acitc kitci nta kanawapakeian e tohaniwok. Ka takickatakaniwitc ko nte tohan.

Marilou -Nin, kitci iskwatian anihe Tour Eiffel. Claudie- Nin, ni nta mireriten kitci pa icaian e micta micak mitcisowokamikok acitc kitci icaian micta atawewokamikwa. Waban- Nin, kitci pa aimihakik awiik. Claudie- Namiew ni anihwe kekocic ka itotiskaniwok.

Waban-	Kecpin e ititan « arimwaniwon» nama ni tepirak kitci iteian 'Kwei, tan e ici pimatisiin?'. Anihwe ni ka wi iteian kitci kokwetcikemoan tan wirawaw e ici pimatisitcik, kekwariw ko aitotakik. Kitci wawitamatonaniwok kaskina kekocica.
Rodrigue -	Tan tca ke totamokw e pa matisiikw?
Claudie -	Ickotetapan. Enko ni ki ta ki kokwetcikemonawaw e itakitakok e posinaniwok ickote otapan. Peikon kaie e itakitakok nipewokamikwa. Marilou kirika nin, ni ka natawapatenan kekwan matci kirika ke ki aititoskaniwok nete Paris.

► Tan tca ka ki ici orowipariki : Kitci mirokananiwok : Atikw e posinaniwok, e kapecinaniwok. ite ke ki pa aicaniwok : Kitci pa kiwotaniwok, kitci pa natawapatcikateki kitci kekocica neta ka aitakoki(Paris : tour Eiffel, etc.) E mitcetinaniwok e metowaniwok : Kitci wapamakaniwitcik witci okwimesinan, e metowaniwok kitci nta kanawapakaniwok, kitci otapinasonaniwok .

Rodrigue -	Ouais ! Nama tapwe kiskeritakon ke aitotcikatek. Arimatc awocamec ki ka nanto kiskeritenano.
Waban -	Nin, matci ni ka nanto kiskeriten anihi micta mikiwama. Micta sa mitceno.
Rodrigue -	Nin, anihi napitc nete pecotcik kitcikamik ni ka nanto kiskeriten.
Claudie -	Itew ka kiskinohamaketc nete Paris mia sa ko awik otacikewinik e iteritakok.Matci tca ni ka nanto kiskeriten.
Marilou -	Kaie nin, ni nta ireriten awocamec kitci nanto kiskeritaman anihe Paris. Matci tapickotc ki ta otamironano.

Claudie -	OK. Tapickotc meka tca ki ka nantonenano kinokepitcikanik. Tan tca ke pe ici orowipariki.
Marilou -	Kekwan ni mitowi ke masinahaman?
Claudie -	'Paris', 'tour Eiffel', 'mode'… ekote ni icka.
Rodrigue -	Ehe, ekote ni: ekoni ke natawapatamokw "ke aitaspisonaniwok". Ekwa tca kitci onikeiekw kitci masinahamekw masinahike karo".
Waban -	Ah! Ah! Ah!
Claudie -	Kecpin tca ! Icaikwe nete ka ici atawaniwok tohanak. Aitakon neta kirika wikasia.
Marilou -	Tawok neta arikapecakanak ka takopwamekasitcik acitc acikana kaie papikiwana. Otcitakotc takonotake nete ka aicihonaniwok.
Claudie et Marilou -	Ah! Ah! Ah!
Rodrigue-	Ki micta kackitan, Marilou ! Ki micta kiskeriten kir e aitaspisonaniwok e metowaniwok.

KE TOTCIKATEK - 2 mawotcihitowin : Ka ki ici miskatek

Claudie -	Micta nipara kekocic ni ki misken.
Rodrigue -	Tante wir Marilou?
Claudie -	Nama ni kiskeriten. Ni ki meka ni nantonikanan ka tcipaiatiko kicikak. Nama minawatc ni ki otci wapamaw.

Rodrigue -

Ni ki misken kekocic Kitcikami e arimotcikatek. Nictino e takitik nete France : la Méditérranée, l'Océan Atlantique et la mer du Nord. Matci ni kaskina wiec kapacimonaniwon micta ni mirwacin.

Claudie -	Kir, tca Waban, kekwan ka ki miskaman anihwe otci micta mikwama?
Waban -	Anihwe peikw château de Versaille ka icinikatek… Aci ni ki kitciparin e nantonikeian… Nama moci kekocic ni ki otci misken wewerita e aiarimotcikatek. Micta aric mirotakon e aitatisokatcikateki. Ki kiskeritetaw ia neta ka ki ocitakaniwok ke ici kitakaniwok micta koctatikonokopan eko tca micta mitcet e ki nipotcik neta ka ki otamirotcik. Itwaniwon tca kirika…/

Claudie -	Waban, micta mirotakon anihwe ka taci witaman aric nama ki witen tan tca irikik e cenikatek tan apitc matci e icaniwok. Takon ia tca kotak ke ki natawapatcikateki?
Waban -	Ke ki ieian, nama moci ni ki otci natawapaten e masinatek irikik e cenikatek…Nit iteriten aric kecpin e wi natawapatcikatek ka wi nta kanawapatcikatek patama nanto kiskeritcikatew tan e itatisokatek.
Rodrigue -	Masinatew kaie irikik e cenikatek acitc e itakitakok. Waban, matci ki ta ki masinahen anihwe kaskina.
Waban -	Ehe. OK.

Tan ni kit iterimawaw Claudie e iteritak aniheriw Waban ka wi ici tipatcimorispana ?
Micta micariw osam Claudie kekociciriw ka takickakotc.	Mirwaciniw ka wi ici tipatcimotc aric kata ki mirwacinipan awocamec kitci takonik ke ici tipatcimotc.	Aniheriw ka wi ici tipatcimotc nama neta ici pitakepariniw, tapwew tca Claudie ka itetc.

Réaction de l'équipe au problème de Marilou

Waban -	Arimatc wesa ni ki ka aitisokatinawaw e isparitc Marilou, aric nama ki ka aiatisokanawaw, osam matci ki ka micta akohano.
Rodrigue -	Ni kiskeritenan e otapinak kaie wir matci mackikiriw. Enko ia ni ka wi witamoiak.
Waban -	Nit iteriten e nictiwok ki kiskeritetano. Ni ki itikw ni micta mireriten e witci otamirotamitakok. Kaie aniheriw kitci nta pamatisitc micta kitciweritam kitci witcihikotc. Wi meka ni kackiho. Ici naheritam kaie ka wi nakahamokw matci mackiki. Kecpin aric tecikotc ni ici actaiikwe anihe kaskina ka wi actaiikw tecikotc kata nakackako. Wi ni mirikosiw kitci kotcihakaniwitc.
Claudie -	Enko ni ka iteiapan awoctakocik. Awik e mirakaniwitc kitci kiapatc kotcihakaniwitc tante ni asko ke icaniwok anihe towi? Tan tca ke ki totamokw? Micta sa miro ickweciwiw. Kecpin aka ko kaie wir mekwatc e arimiparitc micta ni mireritakosiw micta kaie saperitam kitci witcihitokw.
Waban -	Arimatc ni nama tipan ki ka arano. Aka osam ki matcitaiikw wir otci.Misawatc nanikotin e kiskerimaiikw arotcikotc kaie wir e aiterimotc. Ekoci kaketin kitci witamokw kaie wir kitci kackitatc.
Claudie -	Eko meka ni mekwata nin e totowok. Kecpin ko e pa nantonikeiak kinokepitcikanik, kekotc wapatcikanik micta ni ko atwamitiso kaketin aric ko kaie nin ni witamowaw aka kitci atwerimotc. Arimikew ko mia kitci ici mamitoneritak. E ici kackitaian kaie nin ni ici witcihaw. Epwamoci witci otamiromak nama ni kiskerimatai e micta arimiparikopane.
Rodrigue -	Misawatc wi micta witcihokwe,aka tca meckotciparike tan tca ke totamokw? Nit iteriten ni arimatc ni kirika kotakeriw awiriw kata witcihiko….nama kitowok.
	(Nama kitonaniwon.)
Rodrigue -	Arimatc kata natawapamepan ka witcihiweritci kekotc ko kotak awik ni ka ici otamirotc witcihiwewinik awik e arimiparitc. Kirano nama ni kirawe ki ka ki witcihano e ici arimiparitc. Ekoni e ici wapataman nin kitci pe taciketc neta. Matci meka ni ki ka itikowinano micta witcihewok niheriw tepirak nama tca atcikotc ki ka miroparinano peikon kaie wir.
Claudie -	Erowek ni nahinakon ka ici wapataman.
Waban-	Ni ka meka tca witamowaw.
Claudie -	OK

Otamihiwew aniheriw ka itatisitc Marilou. Tan tca e iteritamekw ka ki ici oreritakik ?
Awocamec kata tacikowakaniwipan Marilou. Nama tca kirawe kotak kekocic ka otamihiwemakak.	Tapwe ni Rodrigue e itetc kitci wikosimakaniwiritci Marilou. Namiew aric wirawaw ke kotci natokohowetcik.	Tapickotc kata natowi aitotamopanak kitci witcihatcik Marilou e arimipariritci.

Victor itew kitci otapinaritci ecstasy Wabana

Victor -	Matci meka ni kata taw nin naha mackikicic ecstasy ka icinikatakaniwitc. Patam ni ni ka otapinaw kitci ki wetcinehok.
Waban -	Kirawe ni mireriten aka kitci kiriperimak anaha towi.
Victor -	Tepirak meka ni kitci kotcihak. Kirake ma nama ki ka akatcinano e wapamikoiikw. Micta ni mirokaneckakew.

	(Waban iteritam : « Ni ta micta mireriten kiskeritaman tan e isparinaniwok. Micta osam aci arimihitisoiane tepirak anihwe otci. »
Waban -	Nama. Kirawe kata miroparin aka kitci otapinak.
Victor -	Kecpin ko e natawerimatc ka sakosowakaniwok ki micta ko mireriten e tatc nin. Anotc tca ni wi miskowawok ke otapinatcik peikwa kirake. Nama ni wiec.
	(Waban iteritam : « Kecpin nama iteiane tan e isparik minawatc. Nanikotin arimatc ni ka witcihikw... Ni paciwiritison. »

Déprime


Teka tato kicko aci, micta matci kicikaw. Eko tca e micta kacteritak aspinikotc Waban. Tekaci nama kekociriw saperitam kitimiwatisiw. Wi micta matcaw wiec nte kitci pa aicatc.

Un samedi occupé

Claudie wicamew Waban marikicikarike

Claudie takapikenamowew Wabanawa

Claudie:	Kwei Waban. Ma ki wi pe ican nimikiwamik ohwe ke pe mari kicikak otakocike? Ocki metowan ni ki otapinen. Catherine kirika Fred kata tacikewok kaie wirawaw.
Waban:	Ouais ! Ketcinatc nta pe ican.
Claudie:	Kiapatc ia ko ki pwapwapikepitcikan?
Waban:	Wirata nama tapwe ni nta kokwetcitan anotc, aric ma peikon ni ata ni metowakan.
Claudie:	Matci ki ka ki petan! Takon nin, tewehikanicic nitcotco ka ki pe cawerimispan. Maroc ki otcitapan.
Waban:	OK.

Waban nete pa tacikew Victorik e otapinak matci mackikiriw

Mari kicikaw e apita kicikak Victor takapikenamawew Wabanawa

Victor -	Kwei Waban ! Aci ki taw. Ki wi pe nta kotcihaw. Aci meka tca taw.
	(Waban iteritam : « Kirake peikwaw, nama ni wiec... Aric... Ka ki ici pe witamowitc Marilou e tapwerimitc... kirika tca ni ka natawapamaw Claudie ke otakocinik... Bof ! Ekoni ke ici ntwatc aka pameritaman.»)
Waban -	Nama, Nama anotc. Takon ke itotiskeian ke otakocik.
Victor -	Kecpin tecikotc pe icaine, Nama kinec aci kata ickwaparin.
Waban -	Nama, nama anotc.
Victor -	Tan tca,Waban, ki koctatcin ia ni aci? Wetci aka wirawatc kotcitakeiin ka otapinaman.

Iteritam Waban paciwiritiso. Kekwariw wetci iteritak? Tan ke isparitc ehe itete kekotc nama itete. Ke ki ici orapitak Waban.
Ni ki ititison wipatc ni ka ickwa aiken wipatc tca ni ka onikaten..	Nama tecikotc.	Matca kanawerita kimatci mackikim acitc kicoriam. Nama aci ni nataweriten. Matca tca kotc iteritekan ka wi iteritaman.
Tan tca ke isparitc
Kitci pakitinak ka arimihokotc ka ici otapinak matci mackikiriw.	Kitci witak ka arimihikotc.	Kitci tacikak ka arimihikotc aka kekociciriw kitci otapinak.
Tan anihe kit iteriten kir kirawe ka mirwacinik ke totak?

Waban -	OK, ni ka meka tca pe ican. Ni ka pe matcan aric ni kotc iti ickwa apita kicikake.
	(Waban iteritam : « Potc ni ta witcihikon ke ici mamitoneritaman kirawe kitci saperitaman. »)

Chez Victor

Waban, kotakeriw okwimesa Victor kirika okwimesa.

Victor -

Kwei Waban ! Kotcihi sa ohwa. Naha kotak kwecan aka kiskerimate anaha kotak.

On frappe à la porte

Victor -	Pitake ! Marilou. Kwei! Mia kotc ki pe takocinin.
Marilou -	Kwei ! Niah ! Waban ?
Waban -	Marilou ?

Marilou -	Tan e pa totaman ota?
Waban -	Naha Victor ka ki pe wicamitc.
Marilou -	Ekote.
	(Waban iteritam : « Micta wikatc, nama ni nataweritetai kitci wapamitc ota. ») Marilou kirika Waban micta akatciwok.
Victor -	Nama kit iteriten ota kitci wapamitoekw. Eh! Eh! Eh! Mamiskatc aniki ko ka pe kiwotamitcik.Tan?
Marilou -	Otcita matci ekoni ke iteiin.
	Pasiko Waban mia sa kitci matcatc.
Marilou -	Nama ni arimatc ki ka matcan. Nama ni ki ka otamihitin.
Waban -	Euh ! Nama ni ni matcan. Misiwikiwamik ni, nit icatai
	(Marilou iteritam : « Ekote, matca icakaso misiwikiwamik. »)
	(Waban iteram : «Kekwan ka pa totaman ni ota? Ah! Kirika tca, Nama awik ni ka kokwetcimaw kitci mirerimoian.») »)

Victor wicamew ni Marilouwa. Aspin nte aricapik ici pitakewok. Minawatc wir Waban ite pe icaw ka ici apinaniwonik. Waban- Marilou ! Tante e pa tacikeiin?

Un peu plus tard

Waban -	Aie, Victor ! Kekwan ka ki pe miriin? Ni micta apwesin, ni micta pasotonan.
Victor -	Pekatc, Waban.
Waban -	Micta pakahan nitehi.
	Nac pekatc iti cowatc iti iterimo Waban. Micta mireritcikew nama wiskatc nte ki otci iterimo. Mia sa kaskina kekociciriw e micta mirwacinik waska ka ici pa taciketc.

Quelques heures plus tard

	«Aci kotc tipiskaw. Niah! E ki tca ni itakw Claudie kitci natawapamak omikiwamiwak. Taka ma tca kaie wir kotcihatc ohweriw ni ka miraw peikw kitci kotcihatc.»»
Victor -	Aci ia ki matcan, Waban? Witacikemicinan.
Waban -	Nama, arimatc ni ka matcan. Matcaciikw kaskina! Kaskina ki okwimesimitinawaw.
	Orowitamikw (Waban iteritam : « Ouf ! Kisinacin. Micta mirwatcitaniwon.»)

Waban chez Claudie

Claudie-	Kwei Waban! Ma ki otci petan ki pwapwapikepitcikan.
Waban-	Ni pwapwapikepitcikan? Oh! Nama, nama ni ki otci petan.

Claudie-	Ki miro pimatisin ia Waban?
Waban-	Nin ia? Otcita ni miro pimatisin. Kaie kir ki iterimitin kitci miropariin. Nirctam ia ni takocinin?
Claudie-	Kirctam ehe, ki ka ketcinatc peikocin.
Waban-	Kekwan tca?

Claudie-	Aniki kotakahik wi ni pecowepanak ke sakosowaketcik nama tca ni ki otci mireriten. Ekoni e ki oreritak aka kitci pe icatcik.
Waban-	Nama ni wiec Claudie. Takon nin kekocic ke ki onikewakeiin. Nama arimatc awik.
Claudie:	Niah, kaie kir ia ni! Aci meka tca ni nisitoten wetci micta nisitototapan Marilou.
Waban:	Tepirak meka ni peikwa, kitcikotcitain. Kit iteriten ia ni tekaci kitci nakackakoin ka wi matceparinaniwok ?
Claudie:	Nama nte nit iteriten. Aric ma ekote e ici wapataman.
Waban:	Matci meka kaie kir ki ka ki kotcitan. Kiapatc ni peikociw. Ki ka tca kiskerimaw e totaketc. mackikicic.
Claudie:	Nama, nama ni saperiten. Takon kotak kekocicka wi totaman. Kirika kecpin aniki kotakahik kirawe e ki saperitakik kitci otapinakik matci mackikiriw patok ota kitci pe icatcik. Namiew aniki towiik ka wi okwimesian. Kirawe nircike ni ka pa tacikan.
Waban:	Nin ia ni otci wetci itein?
Claudie:	Nama. Kecpin e itein tepirak kitci kotcitawakeian, ki tapwetatin. Aniki aric kotakahik ka taci arimomakik. Ni ki iteritetai make ni. Ki ka kitotakanano kirika tca kitci kotcitawakeiikw ocki metowan ka ki otapinaman.
Waban:	Matci meka ni ki ka kotcitawakanano anihe kimetowan. Nama kekocic ki otamiskakonano.
Claudie-	Nama kit iterimitin ki saperiten.
Claudie-	Ki micta arimeritaminakosin kiskatc !
Waban-	Kekwan wetci pe iciin anihe?
Claudie-	Enko ni ka wapataman kitactamikok.
Waban-	Micta mitceritakon anihe metowan. Aci ni taci kiciwiron anihe e metowakeian. Kaie nte pe icici ki micta arimeritaminakosin. Enko ma ni kirika wetci micta taci kiciwiroan anihe.
Claudie-	Waban, tekaci nama aci ki witeritakosin. Ketcinatc aci kata miroparinopan kitci kiweiin.
Waban:	Tapwe kirawe ni kata miroparin ni kitci totaman.

E ICI ORAPITAK CLAUDIE
Kitci naheritak wircike kitci pa aitaciketc nanikotin.	Kitci natowi aitotak aka wircike kitci pa aitaciketc.
TAN TCA KE ISPARIT : (Wita kir e iteritaman ?)
Awocamec kitci natowi aitotak aka kitci cikateritak. Ni naheriten Nama ni	Arimatc nama tapwe kata otapinam matci mackikiriw kitci witacikematc okwimesa. Ni naheriten Nama ni
Nosanetaw ka wi ici kackitamasotc. Ni naheriten Nama ni	Kitci pakitinak nanikotin wir ka ici arimihikotc kitci miroparinik kiapatc kitci witci tacikematc okwimesa.. Ni naheriten Nama ni
Awocamec aitotam kitci miroparitc. Ni naheriten Nama ni	Nama tapwe aitotiskew ke ki ocitaspan kirawe tca otapinam matci mackikiriw. Ni naheriten Nama ni

Activités – 3e réunion

Rodrigue-	Kata ia ni pe icaw Marilou?
Claudie-	Nama ni kiskeriten. Nama minawatc ni ki otci wapamitonan.
Waban-	Nama ni ki otci petakan minawatc.

Claudie-	Ni ka tca aci kitciparin. Nete Paris takon nete ke ki aitotiskaniwok, ke ki wawapatcikatek. Kaskina micta mirwacin. Micta tciman kaie matci posinaniwon. Neta ici pamiparinaniwon Seine ka icinikatek.
Rodrigue-	Tante e ici mitciwok, anihe Seine ka icinikatek?
Claudie-	Kitci sipi meka ni anihe nac nete ici ici takocitciwok kitci kamik Atlantique ka icinikatek.

	Rodrigue-Ni ki misken e micta saperitakok atita ke ki icaiikw : ka ici ko pa kipacimonaniwok, matci ko kaie ka pa aitotcikatek surf ka icinikatek. Claudie-Surf ? E tca tatcik wirawatc aka ka nitawatakatcik. Patotc meka kekocic ke ki aitotamokw kaskina awik matci ke ki aitotak. Mitowi ka tetipawapickatek. Rodrigue-Anihe meka tca ka tepipawapickatcikatek, takon ni neta e masinatek tante matci ke ki ici aitotcikatek acitc tan e itakitakok. Nama ni orina micta masikitakon.
Claudie-	Arimatc tca ki ka kanawapatenano kecpin ma ici actewakwen ite ke ici mipariwok. Matci potc ekote kaie ke ici acteki micta mikiwama ka nta wawapatamok.
Rodrigue-	Mekwata e taci arimotamokw micta mikiwama, tan tca ka ki ici miskaman, Waban?

Nama wi saperitam Waban

Waban-	Nama tapwe ni ki otci ickwa aikan. Nama orina ni wi miro pimatisitai ohwe ka ki pe arowepinaniwok. (Nama kitonaniwon.)
Claudie-	Arimatc wesa aci anihe ki ka pe pakitinen kitci ocitaiikw ite ke ici mipariwok. Aci tca nicwaw e wapamitoiikw nama ki otci ickwa aiken. Ekotca kiapatc e nakaciniikw.
	Nama kitonaniwon.
Rodrigue-	Mia micta worowik e pe otcitein, Waban. Ma tca wirata mitowi ka ki pa itapinetc Marilou kit itapinan?
Claudie-	Tan e ispariin,Waban? Kecpin aka aci kitci miroparik kitci asperimotatak, tepirak tca potc Rodrigue aci ni ka ki asperimonan. Osam kaie wir meka Marilou nama ni ki asperimonan tapwe.
Waban-	Waban- Micta matci meka ni ki ka ki asperimototawinawaw. Matci aric kaie wirawaw ke pe icatcik kata ki witcihiwewok. Ekoni ka ki iteikopan.
Claudie-	Witcihiwewok e mawotcicorianiwok, aric anihe kaskina kotckahi kekocica ke itotiskaniwok, e nanto kiskeritcikatek tante ke icaniwok,ite ke ici miparinaniwok, ke itakitakok,aci kit ickwa witetano aniki ke otamirotatcik aniheriw neta ke apitcik ke witcihiwetcik.
Rodrigue-	Mia sa aka aci tapwe e saperitaman ka ici wi otamirotaipan.
Waban-	Nama ni. Ni micta ni kiapatc saperiten. Tante e otcipataman anihe?
Rodrigue-	Nama warowik ni otcipiten. Tepirak e kanawapamitan.
Waban-	Ekote, pe kanawapamici.
Claudie-	Ah! Natota sa, Wapan : kecpin aka e miroparik ki ka aiarimotenano taina?

Rodrigue-	Nin, ni ki aritison kitci witcihiweian e weritakaniwok ka wi pa matisiikw. Aci aric nta tepirak aci kata nicokasonaniwon.
Waban-	Kekwan tca tepirak kata nicokasonaniwon? Ekoni aci arotcikotc ka aiteritcikatek. Aka kaie onike nin wesa kaskina ka ki ici wapataman kitci icinakok ohwe kaskina. Nama kaie wiskatc ni ki otci patahen e mawotcihitoiikw.
Rodrigue-	Nin, ki mikawasimitin kaskina awik takoniw ke itotisketc kecpin tca aka itotiskete nama wiskatc kata miroparin ka wi totamokw. Ke ma kotc kotakahik awiik ki ka nantonanowok kitci witcihitokw.

Waban-	Ah! Aci ni kiskeriten ka wi totaman. Ki ni wi micta tiperiten ohwe kaskina, enko ia ni?
Claudie-	Ekoni, Waban! Nama awik wi tiperitam aka aric iterimicinan nama kekociciriw kiskeritamokw. Tapwe ni Rodrigue. Mia sa ko e iteritakosiin nama aci wi saperitam nama kit itotiskan ka actek kitci totaman. Ekoni tca wetci witamak anihwe kaskina.
Waban-	Ok, Ok. Aka sa arimatc sekisikw. Ke totaman minawatc, kaskina kecatc ni ka petan ke ici tipatcimoan. Tapwe ni.
Rodrigue-	Ekote meka tca. Minawatc meka tca wapamitoikwe, kir tca, Waban, ki ka petan ke ici miskaman e tipatcimonaniwok micta mikiwama. Minawatc kir Claudie ekoci kiapatc nantona ke ki aititoskeiikw nete Paris. Minawatc tca nin, kiapatc ni ka kanawapaten ke ki ici pa kapacimoiikw acitc ite ke ki ici nipaiikw.

Marilou à l'école

Dans le corridor de l'école

Directrice - Mia sa aka e sapatisiin, Marilou. Wirata ia ki miro pimatisin?
Marilou -Ehe, nama ni wiec.
Directrice -Orina ki arimikan ohwe ka ki arowepinaniwok?
Marilou - Ehe, memantcic.
Directrice -Ki ia tca takon ka ki saperitaman anotc?

Marilou -	Nama kiskeritam ke itetc tepirak kotc icpatatamanepariho aka e kiskeritak.
Directrice -	Ekoci nanto tota awocamec kitci saperitam anotc. Micta sa ko e micta kinowakw e kicikak kecpin aka awik e saperitak.
Marilou iteritam -	« Kecpin e sakaskwakaniwok nama tapwe cikateritakon. Osam aric aci ni taci sakaswakan. Arimatc aci ni ka ponitan. Teka sa ke totaman ke otakocik aka kitci wi nipaian mekwata mawitcihitowikwe aniki otci ke pe nta masinahotisotcik.»