Wecipapatam Waban.
| E micta matanarik pa aitacikew kirika kaskina okwimesa. Mitowi ka ki pa aicinakonik ka nta pamiparitcik. Micta mirowacikowiniw sipiriw e moteatciwonik. Awiriw tca petowew e arimweritci e micta tca mirotakosiritci. Micta matawitakosiriw wewerita kotci natotamWaban kitci nisitotak tan e aiteritci. Ninan ka totamak kitci nahiparik kekocic kitci witcihakitcik iriniwok. Kecpin e miroweparik ekota kaie ninan e maciniak. Kecpin e mitcahak ekota kaie e okitcickaiak. Kecpin e takocitciwok ka mitcahak rarewak ni nipiwitanan rekaw acitc aski nac tekaci otapik e itacikwitaiak. Kaskina wiec kitci ici takociparik e ici pamactak peikon kaie pisimok. Ninan asitci mackawak e rotik, nipi, aski, waskok ni witcihananak iriniwok kitci pakahamakanik otehiwaw iriniwok. Kaskina kotc e icinakositc iriniw ni ici witcihanan. Nama ni nokosinan, aric ki ka ki wapaten kipimatisiwinik tan kotc e aitotaman. Awin ka wapamatc e kanawapataman wapamowin? Awik pekatc ka pimatisitc ke kotc ka micta sokerimotc kekociciriw ka wi totak, ka micta wi nanto kiskeritak pimatisiwiniw. Awin ka wapamatc? Awik e micta nanotetamotc, e micta arimeritak, e micta noteparitc, mia e taci kirapeckakotc kekociciriw. Kekwan ka wapataman? Iriniwok e micta arimihikotcik kitci kackihotcik e pimatisitcik, kitci miskakik kekwariw ke acamitisowaketcik kitci mirokitcik. Ekota ia ni e pe ototetcik aniki ka wapamatcik? Ke ma kotc pitoc wiec e pe ototetcik e nantonakik kekociciriw ke otci mirokiwaketcik opimatisiwiniwak? Kekwan ni ki ta mireriten kitci wapataman e mirwacik kipimatisiwinik? Mocak ki pe witacikemitinan, tapickotc ki pe matcekinano, ki witcihitinan mocak kotc ka ki ici wi pimotein kipimatisiwinik. Anotc ki nataweritamatinan kimackawisiwin kitci pe wapatariak kitci kiskeritamak tca aci tca tapwe aci ke ici miworitisoin ka ici mirwacik acitc tapickotc kiwitcicanak. Kitci nokok aci kaie e mitamein tapwe tca aci e mirwacik kekocic. Kitci micta miro wactek ka ici matcain. Kirawe ki ka iti mackawisin kirawe ki ka sokikapoin. |
ICKWAPARIN
| « EKONI E ICKWAPARIK » Tan e ici nisitotamekw ohwe ? |