11. E kiwe otamironaniwok

Kekatc e ki oraparinik ka taci weritatcik. Aci tca minawatc koski otamirotawok ocki tca atita awenak neta posiwok kitci witcihiwetcik. Wawitamatonaniwon ke aitotcikatek kitci otapinakaniwitcik karowok ke posiwakaniwok acitc ite ke aicaniwok. Waban kirika Marilou nosanetawok kiapatc ka ici witcihakaniwitcik. Kekociciriw minawatc iciwepasiw Marilou acitc owitcicana.

Kotahik e nantonowakaniwitcik ke witcihiwetcik

	Claudie kirika Rodrigue ocitawok mawotcihitowiniw arimotamok kekwariw wetci wicakemotcik kitci taritci nicw awiriwa ke witcihikotcik. Kitci tapickowaritci Marilou kirika Waban.
	● Claudie wawitam memantcic ka ki ici otamirotcik. Minawatc wir Rodrigue witam aniheriw kiapatc ke ici otamironaniwonik : . kiapatc kitci nanto kiskeritcikatek ite ka wi icaniwok acitc ite ka ici miparinaniwok . kitci arimwaniwok kitci matcikonikatek aricapa acitc nete akamik kitci kamik, Karo ka posiwakaniwok ka miremakokik, . kitci kokwetcikemonaniwok kekwan matci ke positakaniwok ka miremakokik. . kitci tipatcimonaniwok kotakahi kekocica acitc kiapatc kitci mawotcicorianiwok.
	● Minawatc witamakewok e nantonowatcik nicw awiriwa ke witcihikotcik. Aniki tca nta ka apitcik aniheriw wapamewok kitci pitakeritci Éric kirika Valentin. Ici naheritamok tca e nicitcik.

	Anaha tca ka tiperitak awaciwikiwamiriw aimihiwew kirika tca e wikosimiwetc kaketin.

Coord -

Ni wi mikawisititen aniki Claudie kirika Rodrigue e ki micta otamirotcik acitc aka e ki otci ataweritciketcik neta e apitcik. Tapwe wirata nama ni tepirak nicokasowok. Kaskina ni awik e papeikocitc ki witcihiwanawaw ekoni wetci iti natciparik kitci nta pamipariekw. Aka kaie ataweritcikekw!

Les voyages imaginaires

Nicwaw aci e nta nakickowatc ka witcihiweritci

Int -	Ni nta mireriten ni kitci witamoin kekwan ka ki totakoin wetci ki otapinaman matci mackiki. Ki pe witamoin anihe mekwatc ka taci otamirotaiekw ka wi nta pamipariekw e micta saperitamopan e pimatisiin e witcihikowipan mictahi.
Waban -	Ehe. Ni ki kiskeriten e micta mitcek kekocic ke ki witcihikoian ke ki aitotaman ni pimatisiwinik itekera. Ni ki ititisotai ni ka kackitan kitci weritain kekocic kitci nta pamipariak. Ni ka kackitan kirika…kaskina kekocic kitci totaman. Anihe aka wiskatc ka ki otci iteritamapan kitci totaman aka wiskatc ka ki otci mamitoneritaman.
Int -	Nte tca ka ici pakiciniin matci mackikik kit iteritetai ai ni kikictapitisin?
Waban -	Ehe. Pitoc meka tca ni aiteritetai. Nama peikonok kekocic ni taci aitotetai.
Int -	Wirata tca ni. Anihe ka taci weritain e wi nta pamiparihipan namiew anihe arotc kekocic.
Waban -	Nanikotin ekoni mematcic e icinakokipan.
Int -	Nama ia ko ki saperitetai? Hum! Patama wewerita ki ka pe aiatisokoin. Epwamoci anihe weritain nama ia kekocic ki otapinetai?
Waban -	Nama.
Int -	Ki wapaten ia tca pitoc e icinakok e weritakaniwok e nta pamiparinaniwok acitc e otapinikatek matci mackiki?
Waban -	Tapwe nama tapickotc icinakon.
Int -	Kekwan pitoc ka icinakok?
Waban -	E weritakaniwok, arimatc micta nantonikaniwon, werinaniwon, mawotcicorianiwon, enko anihe kaskina e ici otamironaniwok.
Int -	Anihe tca matci mackiki?
Waban -	Anihe e apatcitakaniwok, nama otamironaniwon, kaskina wiec ici mamitoneritcikatew kaskina wiec aitotcikatew.
Int -	Tante tca e iciwirikoin anihe ka ki ici kotcitain?
Waban -	Nama nokon kekocic ni ka ki itwan…Mirerimonaniwon kotc tepirak. Nama kotak kekocic ki wi apatcitan kitci ki mirerimoin.
Int -	Aric kictikwanik ni anihe kaskina tepirak ka isparik, nama ni tapwe anihe isparin.
Waban -	Ka.
Int -	Minawatc tca?
Waban -	Koski kitciparitan.
Int -	Tapwe tca nte ki pimatisiwinik?
Waban -	Nama tapwe kekocic isparin.
Int -	Tan apitc ka kiskeritaman aka tapwe kekocic e isparik?
Waban -	Nikwimesak ka pe witamaskik aka tapwe kekocic e nokok ke ki aitotiskeiapan.
Int -	Tan tca ka ki totaman?
Waban -	Nictam, Ni ki osamerimawok ka ki pe iciskik. E tca iteritamapan nama awik ni ka pe witamak tan ke ici pimatcihitisoian kekwan ke wi kotcitawakeian. Nac aric, kekocic ni ki patahen e kictapatak.
Int -	Tan tca ka ki iterimoin ni apitc?
Waban -	Ni ki sekisin.
Int -	Kekwan tca ka sekihikoipan?
Waban -	Ni kiskeritetai kekocic e ki matci totaman. Ni ki cikerimitison. Nama aric ni ki otci kackitan kitci witamowikik nikwimesak.
Int -	Ki koctetai ia ke iterimiskik?
Waban -	Enko potc anihe memantcic, anihe aric kirawe, arimatc tca kitci witamowikik aniheriw ka ici arimihikoian.
Int -	Tan tca ka ki totaman?
Waban -	Awocamec ni ki wi otapinen matci mackiki.
Int -	E iterimitan ki miro kiskeriten anihe kaskina ka ici arimihikoin. Kicteritakon anihe nama kirake kir ki wi ocimotan anihe ka taci arimihikoin. Nama kaie ki wi karitison.
Waban -	Tan wa itemakak anihe ?
Int -	Awik nama wi wapatam ka ici arimihikotc nama kaie wi witam ka ici arimihikotc kataw aniheriw. E tca kiskeritak wir atamik e takonik ka ici arimihikotc. E ki wi micta wi kotcitawakein takon ia kotak kekocic ka ki iciwirikoin kitci iti osamihikoin matci mackiki?
Waban -	Nirctam ka iti kitcipariak e otamirotaiak ka wi nta pamipariak tecikotc ni ki iti wapaten e micta kice micak ke ici otamirotaiak. Ekota tca nta ka iti ataweritcikeian. Anihe ni ka micta saperitamapan enko anihe kitci nta pamipariak. Kaskina anihe ke ki ici nta pa wapatamakipan. Aric anihe kitci pa mockinamak pweteapiskwa acitc anihi kaskina kotakahi aci nta ni ki iti osameriten.
Int -	E ici nisitotaman, tecikotc kir ki wi nta positai kitci matcepariin aka tca kitci arimisiin. Aka arimatc kekocic kotak kitci arimihikoin.
Waban -	Ekote potc. Kirika aric…namiew ni anihe… ni kiskeritetai ni kitci arimak kitci tatok otamirowin. Kitci mockinikatek pweteapiskwa acitc kotak kekocic. Nama meka ni kiwockwatisin. Aric… nama ni kiskeriten.
Int -	Arimatc kiapatc ki ka aiarimotenano. Takon neta ka itein ke ki iti otamirotain.

Pitcerak minawatc e mawotcihitotcik kirika ka ki ocki pitaketcik

Claudie -	Kwei aniki ka pe ocki takocikik.Pitcerika e pa witapimiak nin ni ka mitan e mawotcihitoikw. Ki ici naheriten ia Rodrigue?
Rodrigue -	Nama patama ni wi matcipiten, ni kiskeriten kaie aka kitci tipi ickwa aikataman kitci kanewian. Ehe, ni naheriten tca.
Claudie -	Ah! Ki kiskerimitin ko kir, e pe moskipataman ka mirwacik kekocic. Aci kirawe e kiskeritamok ite ke ici matcaikw acitc ka wi totamokw kitci nokok aci ki ta ici otamironano.
Rodrigue -	Arimatc ki ka nanto kiskeritenano tan ke itakitakositcik karo ke posiwakeikw kamiremakak acitc kitci arimweikw kitci kanaweritamakoikw.
Valentine -	Arimatc kaie ki ka arimwanano kitci kanaweritamakoikw aricapa. Tekaci nama ni wapamitison nictana kitci taciwok e takociniwok neta aka kitci takok ke ici nta nipaikw.
Rodrigue -	Nte tca potc kirawe ko towi ka ocki pimatisitcik ko ici nipehakaniwitcik ka pa pimatisitcik.
Valentine -	Kekwan tca ni ko anihe ka icinikatek?
Rodrigue -	Nama ni ko micta micawa anihi ka ici nipehakaniwitcik ka ocki pimatisitcik. Wiec nin ko nanicino kekotc nikotwaso tatino nipekanatikwa. Nama kaie orina misikitakonowa acitc mirwacin nte e ici aitakoki. Takon kaie neta e ici metowaniwok acitc matci awihasonaniwon ko ka tetapiwepickatcikateki kitci nta pamiparinaniwok. Matci kaie tcipakosonaniwon neta.
Éric -	Enko anihe arimatc kaskina ke kiskeritamokw. Tante ke tacikeikw acitc tan apitc kekwan ke pa aitotamokw.
Claudie -	Aci ni wirata takon anihe e masinatek aric ma kiapatc arimatc takon kotakahi ke iti oreritamokw kekocica.
Valentine -	Tan ke totamokw kitci iciticahamakeikw coria? Acitc tan ke totamokw kitci ki witamokw kitci kanaweritamakoikw ke ici apiwok ka miremakakik?
Éric -	Patoc ki ka kokwetcimanowok aniki ko mitatcik e wi nta pamiparinaniwok. Enkweriw meka ni ko wirawaw ka mitactik kaskina tca micta miro kiskeritamokw tan e aitotcikatek.
Rodrigue -	Kirawe kata misikitakon kecpin aka kirano mitaikwe.
Valentine -	Nama ni kirawe awocamec misikitakok, Mitowi meka ni e otoskectakik ka mikemakanik acitc nipewokamikwa. Peikon ni ke itakitakok. Aci kit ickwa witamakotano peikw nimis okwimesa neta e ici otamiroritci.
Claudie -	Ekote meka tca, wipatc ickwa aiketan anihe. Matci ma potc kir ki ta ican Valentine. Matci kirika kir Rodrigue ki micta ko kackitan kir anihe towi. Tan e iteritamekw?
Les autres -	OK
Claudie -	Éric kirika nin ni ka kictanan ite ke pa icawok.

Waban e masinahamowatc Claudiwa

Kwei Claudie,

Tepirak kotc e witamatan ni ki otitakon kimasinahikan awoctakocik. Ki tapwan e itein ki kicowahitin. Kirake peikon miroparike ka wi nta pamipariekw. Anotc mekwata, arimatc ni ka miskatison acitc kitci nisitotaman tan e isparian. Matci aric nanake ki ka ki aimihitonano wewerita.
Waban

Ka ici otamirotcik aniki ko ka mitatcik e nta pamiparinaniwok

Agente -	Eh ! Ka valentine? Ni micta mireriten!
Valentine -	Kweiiii ! (Otcemitowok) Wow ! Micta mirwacin ka ici otamiroin.
Agente -	Kekwan ka pe iciwirikoin?
Valentine -	Nte ni ici apin kaie nin ka weritaiak ka wi nta pamatisiak tapickotc ka istatisiak. Nete ni ka icanan France ka icinikatek otehimin pisimw. Naha tca ka witci otamiromak Rodrigue icinikaso.
Agente -	Kwei, Rodrigue.
Rodrigue -	Kwei! Kir ia tca ka micta miro kiskeritak e pa matisinaniwok.
Agente -	Ka micta miro kiskeritak? Ah! Ah ! Ah! Nama ni ni micta miro kiskeriten aric ma wewerita ni wi otamiroin.
Valentine -	Tapwe ni, tapwe ni ni kiskeritenan e micta miro kiskeritaman. Ni pe nta nanto kiskeritenan ni tan ke totamak kitci otapinaiak karo e posinaniwok ka miremakak. Kaskina anihe ka aitotcikatek kitci opohonaniwok. Ekoni tca wiec apitc ka wi matcaiak.
Agente -	Ni ka nanto iskeriten… aka tca patama peicikw tca… enko tca ohwe: aniki wirawaw wetikimeikw ni karowa nete e icaniwonik Paris.
Valentine -	Matci ia tca ni kecatc matcikonakaniwok karowok?
Agente -	Takon ia tca coria tecikotc kitci kicikowekok?
Valentine -	Nama, ken tca moci nit ickwa aikenan e mawotcitaiak coria. Matci ia ni peikon tecikotc ni ka itanan kitci kanawerimakaniwitcik kekotc patam kecko?
Agente -	Nama ni nte isparin Valentine. Arimatc ni tecikotc kicikasonaniwon kitci ki kanawerimakaniwitcik. Aka ni e totaman nama tawok ki karomak atcikotc.
Rodrigue -	Anihe tca ke ici nta tacikein tan e totcikatek?
Agente -	Takon ota mitcet e masinateki ke ki ici nta nipaniwok kirawaw tca kotc irikik e wi kicikasoiekw.
Rodrigue -	Takon ia nte aniki ko ka ici nipehakaniwitcik ka ocki pimatisitcik?
Agente -	Euh ! nama takon ota anihe. Osam ni aiapicacino ninan anihe otci. Matci aric ni ki ka ki matcikonenawaw pamikicikopitcikanik kekotc kitci motci takapikenakeikw. Ki ka wapatahitinawaw matci.
Rodrigue -	Anihe tca kekwan ka posinaniwok? Tan e totcikatek?
Agente -	Ekoni peikon mitowi. Ki ka mamiritinawaw e masinateki irikik e matcepariki topisa acitc ickote otapana.
Valentine -	Kekwan tca ni anihe?
Agente -	Anihe topis enko ni anihe matci ko ka posinaniwok e nta pamiparinaniwok. E mitcetieikw e nta pamipariekw arimatc ni wipatc ki ka witenawaw micta sa ko mitcetinaniwok e nipik e pamiparinaniwok. Kecpin tca mia aci kiskeritamiekwe apitc acitc ite ke icaiekw ki ka tca witcihitinawaw.
Valentine -	Micta mikwetc. Ki micta miro totakan!
Agente -	Aka kaie onikekw arimatc wipatc ki ka natawerimawaw anihe ko ka posiwakaniwok passeport ka icinikatakaniwitc. Aka tate anaha nama ki ka ki posinawaw.

Rodrigue -	Tante tca anaha e ici natawerimakaniwitc?
Agente -	Enko ohwe ke mamiritakok ke mockinesinahamekw. Kaskina neta masinatew ke totamekw tepirak ki ka nosanetanawaw. Kecpin wi kokwetcikemoiekwe kotak kekocic tepirak ki ka pe witamowinawaw. Aka cakwerimok.
Valentine-Rodrigue -	Otcitakotc kiapatc kata takon ke kokwetcikemoiak. Mikwetc.

Petite soeur s'en va

Marilou e natawapatc ka witcihiweritci aiciwerimowinik -nicwaw aci e icatc

Int -	Tan tca, Marilou, kekwan tca kotak kekocic ka ki iciwepasin?
Marilou -	Anaha ko ici otamirotc sevice sociaux acitc takonike iriniw ki pe icawok nimikwaminak. Ki tca matcewirakaniwiw nicim pitoc tca aci wiec ici kanaweritakosiw.
Int -	Tan mia ka isparik?

Marilou -	Nin tepirak acitc nikawi ni tacikatan. Taci matopan naha nikawi. Ki tca itakaniwiw anhwe nicim e taritci nete ka taci peikotc minawatc matci kitci petakocinitc.

Int -	Anaha tca kotawi?
Marilou -	Ki itepan aka kitci taciketc neta pe takocinirite, ki tca matcaw. Ki meka ni itepan ni ka nipahawok ni takocinitawe.
Int -	Kir tca, tan ka ki iteritaman?
Marilou -	Ni ki micta cikeriten! Ni ki aric iteriten ekote kirawe kata mirwatcitaw. Kecpin mani ko e osaminakosinaniwok nimikiwaminak micta ni kitimakisiw nama awiriwa pamerimiko arotcikotc pa aitacikew acitc arimipariw e kiskinohamasotc.
Int -	E arimotaman kiskinohamatokamikw tan tca kir e isparin?
Marilou -	Nama ni sapiparin. Ni micta arimikan kitci saperitaman.
Int -	Kiapatc ia tca ni ki wi ponitan?
Marilou -	Ehe. Micta nipara aci ni ki ponitan. Kecpin aric ko e nakickaman e arimak kekocic mitowi anotc ni micta ni ko wi otapinen kekocic tekaci tca kitci onikeian ka arimeritaman.
Int -	Kit itwan« anihe ka ici nakickaman». Kit iteriten ani aniheriw ka isparitc kicim kaie kir ni anihe.
Marilou -	Ehe, Kaie nin meka ni takickakon nit akosin kaie nin. Tapic tca ni e witcicanitoiak nama tca nte isparin kitci witcihitoiak tapickotc kaskina awik wircike kekociriw pa aitotam. Ekotca ko tepirak aspinikotc e taci matciparihitotaniwok aci tca nta tapickotc aitacikotatonaniwok.
Int -	Erowek ia tca ni nanikotin ki kackitan kitci aimihatcik kinikihikok?
Marilou -	Erowek wir nikawi, nama wir notawi tecikotc ko kicowasiw. Micta otikerowesiw kaskina tca ko wiec ni pa aitikw.
Int -	Ki kiskeriten ia ni kekwariw wetci totak aniheriw?
Marilou -	Nit iteriten nama sakitaw e pimatisitc. Kaskina awiriwa kiciwahiko. Kirika tca micta apatcitaw matci mackikiriw. Tekaci aric namiew nin ka totaman wetci aka mireritak.
Int -	Kikawi tca wir?
Marilou -	Kaie wir arimipariw takoniw kaie wir e taci akohikotc. Ni pe itikw wirata tekaci nama wiec ni ka ki totowaw kotawi kitci ki meckotatisitc acitc e itetc kwecan kirawe kokominaciane ni ka nisitoten. Wirata ni natotakw aric nama wi wapatam.
Int -	Tan tca e isparik kirika kictes?
Marilou -	Nama wiec isparin. Kirika tca mocak pitoc wir aitotam kekociciriw pitoc ici mamitoneritam.Enkweriw ka okwimesimatc ka arimikohirotci matci mackikiriw.
Int -	Aihe tca ka wi pamipariekw? Tan tca aci e aitaiekw?
Marilou -	Nama orina nahiparin. Itwaniwon kecpin e makockatcitain matci mackiki nama ki ka ki tacikan neta. Kirika tca nama tapwe ni mirerimotai neta osam kaie ni e arimiparian.
Int -	Kekwan tca? Nama ia aci ki wi ican kir?
Marilou -	Mia sa osam e micta atawerimikoian.
Int -	Tan tca e ici wapamiskik aniki kotakahik ka ki witci otamiromatcik.
Marilou -	Mia sa wirata itatisiwok. Takonopan aric neta kekocic ka itotiskeiak. Nama tca ki kackitatai kitci nosanetaian. Ni kiskeritetai e atawapamitcik.
Int -	Ki ki ia ni witamakok?
Marilou -	Nama, aric ki kiskeriten.
Int -	Ma tca wirata kir nte ka ici wapamitisoin aka e kackitain?
Marilou -	Nama nte nit itwan nama ni wapamitison nama ni kackitan nama aric ki kackitan : nama mirowinakosiwok niwitcicanak, nama mirwacin e kiskinohamasoian, nama werita ni witcihiweian, nama mia nit aitoten.

Atwamitiso Marilou iterimitiso nama ni kackitan.Tapwe ia ka iterimitisotc?
Ehe	Nama	Nama
Osam micta mitceniw ka arimihikotc opimatisiwinik .	Iterimitiso osam wir tepirak ka totak aka tca ni wir tepirak ka totak.	Micta atwamitiso e ici wapamitisotc. Ekotca atcikotc aka e wapatak tan e ici kackitatc.

Int -	Mia sa potc kekatc kotawi e itatisin. Nama ki kicterimitison, nama kaie ki kicteriten e aitotaman, ekotca e kiciwahitisoin kir.
Marilou -	Euh… Nama wiskatc nte ni ki otci ici wapaten.
Int -	Ki kiskeriten kaie nama ni nin, tipaskomitin, Taina?
Marilou -	Ni kiskeriten.
Int -	Ki kiskeriten anihe aka ka kackitain nipara ni aniheriw e kiskerimitisotc. Kecpin aric osam e atwapamitisoin aci nta nama mia kit iterimitison.Kaskina ni awik takoniw e ici apiciweritakositc, aka e ici kackitatc, nanikotin micta miro kiskeritakosiw, nanikotin micta karitiso, aric kaskina ni awik takoniw kekociciriw aka mia e itatisitc. Ekoni ia tca e ici itwaniwok nama wiec irapatisiw?
Marilou -	Euh…nama.
Int -	Nta mireriten ni kiapatc anihe kitci airimotamokw. Minawatc wapamitoiekwe.
Marilou -	OK